Bihayê elektrîkê ji sedî 15, yê gaza xwezayî jî ji bo malan ji sedî 12, ji bo pîşesaziyê ji sedî 20 zêde kirine. Bihayê elektrîkê wê heta 31ê Îlona 2021an dewam bike, piştî wê, dê biryareke nû were dayîn.

Lêbelê înkarkarîya zanista îklimê, eşkerekirina berpirsiyarên siyasî û aborî yên krîzê, û daxwaza dadmendiya civakî wekî pirsgirêkên ku hewce dike rojnamegerên îklimê bi berdewamî lê bikolin û bi ser de biçin derdikevin pêş.

Piştî CHPê û ÎYÎ Partiyê HDPê jî biryar daye ku ji Komîsyona Lêkolînê ya Tûndkariya Li Dijî Jinan vebikişe.

Elîf Tûran, Seroka Odeya Doktoran a Amedê metna çapemeniyê xwendiye û gotiye “Li Amed û bajarên li derdorê rêjeya derzîkirinê li gorî tevahiya welêt gelekî kêm e.”

Ji malbatên ku hestiyên zarokên xwe dixwestin 40 hezar û 400 lîreyî weke “heqê delîlan” hatiye xwestin. Hestiyên zarokên wan ji Tipa Edlî şandibûn edliye yê. Tûran Ece, parêzerê malbatan di Dadgeha Bilind de îtiraz kiriye.

Çalakiyên Vegfesta Stenbolê ya Navneteweyî wê belaş bin. Komeleya Veganên Tirkiyeyê festîvalê saz dike.

Platforma Bêdeng Nemîne û Documentarist ji bo belgefîlmên ku li dijî sansurê li ber xwe didin, wê bernameyekê li dar bixin. Kesên ku bixwazin, dikaribin li van belgefilman temaşe bikin.

Cara yekem e ku wê îro saet di 18.30 deqîqeyan de li Eskîşehîrê Meşa Rûmetê pêk were. Çalakî wê li ber Adalak Mîgrosê be. Koma Xebatê ya Meşa Rûmetê got, “Ji niha û pê de armanca me ew e ku em piştgiriyê mezin bikin.”

Şûraya Dewletê serlêdanên ji bo Peymana Stenbolê qebûl nekiriye. Serlêderan xwestibûn ku biryara Serokomariyê ya Peyman betal kiriye, bila qebûl nebe.

Wezareta Tenduristiyê aşkere kiriye ku di 24 saetan de test ji bo 229 hezar û 846 kesan hatine kirin û di encamê de testa 5 hezar û 846 kesan pozîtîf derketiye. Her weha 53 kes jî mirine.

Bi îdiaya ku “heqaret li Erdogan û Davûtoglûyî kiriye” 12. Dadgeha Cezayê Giran a Amedê 2 sal û 17 meh cezayê girtîgehê li rojnameger Hakki Boltanî biriye.

Rojnameger li ber avahiya Walîtiya Stenbolê hatin ba hev û ji ber tundkarî li hempîşeyên wan Bulent Kiliçî kirine û ew desteser kirine, bertek nîşanî polîsan dan. Kiliçî got: “Polîsê pê li stûyê min kir hê jî li ser kar e, kî ji me xwe di nava ewlehiyê de dibîne?”

Ji ber îklîm guheriye û şilî hindik bûye, ava Gola Wanê û çem û robarên derdora wê jî kêm bûye. Vê rewşê bandor li ser çandinî û ajalvaniyê jî kiriye.

Di daxuyaniya ku îmzeyên 13 Saziyên Civaka Sivîl û navên serbixwe li bine de weha hatiye gotin, “Em siyasetmedarên ku ji rabirdûyê heta duh civakê bi zimanê nefret û tûndkariyê tîne dijberî hev, weke faîlê Denîz Poyraz dibînin.”

Zarokan di îfadeyên xwe de îstismara ku li wan hatiye kirin him bi devkî û him jî bi wêneyên ku xêzkirine vegotibûn. Ev wêneyana di dosyeya lêpirsînê de bû.

Sarah Clarke, rayedara Article 19ê gotiye, “Rayedarên Tirkiyeyî ji bo civaka sivîl a li welêt bifetisîne, tundkariyeke zêde bikar tînin. Divê tundkariya polîsan a li dijî protestoyên aştîyane bidawî bibe. Civaka navnetewî li cem xwenîşandarên Stenbolê ye ku li dijî bêdengiyê derdikevin.”

Di doza JITEMê ya Kerboranê de cara 6an e ku heyeta dadgehê guheriye, careke din biryar nehatiye dayîn. Malbatên qurbaniyan bertek nîşan dane: “Kurê min 12 salî bû. Hestiyên wî ji binê bîreke 120 metroyî derxistin. Kujer bi rehetî digerin.”

Li Stenbolê malên ku jinên trans lê dijîn hatine mor kirin. Kerem Dîkmen, Koordînatorê Hiqûqê yê Kaos GLyê diyar kiriye ku morkirina malan li dijî hiqûqê ye. Komîteya Hefteya Rûmetê jî destnîşan kiriye ku ne tesadif e ku morkirina malan piştî Meşa Rûmetê pêk hatiye.

Wezareta Tenduristiyê aşkere kiriye ku di 24 saetan de test ji bo 223 hezar û 525 kesan hatine kirin û di encamê de testa 5 hezar û 283 kesan pozîtîf derketiye. Her weha 58 kes jî mirine.

Midûriyeta Emniyetê ya Stenbolê li ser girtina Bulent Kiliç, nûçegîhanê fotoyên nûçeyan yê Agence France Press (AFP) yê daxuyaniyek weşandiye. Kiliç dema Meşa Rûmetê dişopand, polîsan tundî lê kiribûn û ew desteser kiribûn.