Sînan Aygul, Serokê Cemiyeta Rojnamegeran a Bedlîsê piştî ku cezayê lê birîne pesend bûye, hatiye girtin.

Derhênerê binav û deng Godard di 91 saliya xwe de miriye. Godard li dijî îkonan derdiket, bi şêweyê jixweber û fikrên radîkar dihate naskirin.

Li gundê Arpaderaya navçeya Încîrlîovaya Aydinê nijadperestan êrişî malbeteke Kurd kirine. Di êrişê de ji malbata Kurd çar kes bi giranî birîndar bûne.

Zarokên ku temenê wan di navbera 4 û 10an de wê bikaribin beşdarî van atolyeyan bibin. Atolye wê online pêk bên.

Ji 16 rojnamegerên ku li Amedê hatibû girtin jê Safiye Alagaş, Neşe Toprak, Remziye Temel û Elîf Ûngûr li dijî çavdêrîkirinê, lêgerîna tazî, astengkirina dermanbûna girtiyên nexweş û astengkirina bernameyan li Girtîgeha Jinan a Amedê ya dest bi grevê kirine.

Wezîrên Berevaniyê yên Azerbeycan û Ermenistanê aşkere kirine ku di navbera hêzên leşkerî yên her du welatan de pevçûn rû dane. Wezîrê Karêbarûn Derve yê DYAyê Blinkenî jî bang li her du welatan kiriye û ji wan xwestiye ku pevçûnan rawestînin.

Hevberdevka Komîsyona Polîtîkayên Perwerdeyê ya HDPê Gulistan Kiliç Koçyîgîtê têkildarî sala nû ya perwerdeyê axivîye û wiha gotiye: “Perwerdehiya bi zimanê dayikê mafekî bingehîn e. Dersên bijarte cihê wê nagire.” Her weha li bajarên herêmê gelek sazî û rêxistinan têkildarî kurdî û sala nû ya perwerdeyê daxûyanî dane.

Midûra Giştî ya Weqfa Otîzmê ya Tohûmê Ozgul Gurelê gotiye ku, ji bo hemû zarokên otîstîk bikaribin bi rengekî wekhev ji mafê perwerdeyê sûd bigire, divê di ji meriyetê de jî mafparêzî û perwerdeya tevgir bicih bibe.

Komeleya Mafên Mirovan li ber avahiya Radyoya Stenbolê ya li Harbiyeyê daxuyanî daye û gotiye: "Em bang li wê hikûmeta ku dibêje ez li dijî darbeyan im dikin û dibêjin dijayetiya xwe ya 12ê Îlonê û derbeyan ispat bike."

Biryara zindanîkirina li malê ya derbarê stranbêj Gulşenê de hatiye rakirin, lê şertê qedexeya derketina derve û heftê carekê îmze lê hatiye ferzkirin.

Li gorî daneyên ku TUÎKê weşandine, di meha Tîrmehê de hejmara bêkaran 113 hezar kes kêm bûye. Lê bi giştî hejmara bêkaran zêde bûye. Li gorî heman daneyan, hejmara kesên kar dikin jî 148 hezar kêm bûye.

Çawişê pispor ê piyade Harûn Yildirim, Savaş Borlu, Fatih Kalkan û çawişê binefser yê piyade yê bitecrûbe Gokhan Agil di dema pevçûnê de mirine.