Hevberdevka Komîsyona Polîtîkayên Perwerdeyê ya HDPê Gulistan Kiliç Koçyîgîtê têkildarî sala nû ya perwerdeyê axivîye û wiha gotiye: “Perwerdehiya bi zimanê dayikê mafekî bingehîn e. Dersên bijarte cihê wê nagire.” Her weha li bajarên herêmê gelek sazî û rêxistinan têkildarî kurdî û sala nû ya perwerdeyê daxûyanî dane.

Midûra Giştî ya Weqfa Otîzmê ya Tohûmê Ozgul Gurelê gotiye ku, ji bo hemû zarokên otîstîk bikaribin bi rengekî wekhev ji mafê perwerdeyê sûd bigire, divê di ji meriyetê de jî mafparêzî û perwerdeya tevgir bicih bibe.

Komeleya Mafên Mirovan li ber avahiya Radyoya Stenbolê ya li Harbiyeyê daxuyanî daye û gotiye: "Em bang li wê hikûmeta ku dibêje ez li dijî darbeyan im dikin û dibêjin dijayetiya xwe ya 12ê Îlonê û derbeyan ispat bike."

Biryara zindanîkirina li malê ya derbarê stranbêj Gulşenê de hatiye rakirin, lê şertê qedexeya derketina derve û heftê carekê îmze lê hatiye ferzkirin.

Li gorî daneyên ku TUÎKê weşandine, di meha Tîrmehê de hejmara bêkaran 113 hezar kes kêm bûye. Lê bi giştî hejmara bêkaran zêde bûye. Li gorî heman daneyan, hejmara kesên kar dikin jî 148 hezar kêm bûye.

Çawişê pispor ê piyade Harûn Yildirim, Savaş Borlu, Fatih Kalkan û çawişê binefser yê piyade yê bitecrûbe Gokhan Agil di dema pevçûnê de mirine.

Parlamentera HDPê ya berê Gulser Yildirim ku zêdetirî 5 sal û 10 meh in di girtîgehê de ye, 3 meh berê cezayê ku lê hatibû birîn temam bûye lê nayê tehliyekirin.

Li navçeya Cîdeya Kastamonuyê bi çekan êrişî karkerên Kurd kirine. Di encama êrişê de karkerek miriye û yek jî birîndar bûye.

OHDê diyar kiriye ku girtîgeh kirine weke navendên îşkenceyê û xwestiye ku girtiyên nexweş ên mafên jiyana wan hatiye binpêkirin, bên berdan.

Hevseroka Giştî ya berê ya HDPyê Fîgen Yuksekdagê gotiye ku Aysel Tûglûk şandine nexweşxaneyê.

Sîsarka biçûk û sîsarka sorik li Wanê tên dermankirin û piştî baş bibin, wê ban berdin nava xwezayê. Cisnê her du sîsarkan jî li ber qirbûnê ye.

ÎHDa Mêrdînê raporek têkildarî kuştina Adem Karayî amade kiriye û di raporê de hatiye destnîşankirin ku di kêliya Kara hê birîndar bûye, polîsek ji sûcê “birîndarkirinê” derxistine dadgehê û dadgehê ew serbest berdaye.

Serdar Çelebî, parêzerê girtiyê nexweş, Mehmet Emîn Ozkanê ku 27 sal in girtî ye, got, “Em behsa mirovekî dikin ku bêyî alîkariya hinên din nikare xwarinê bixwe, bimeşe. Mirovekî di vî rewşê de çawa dikare li girtîgehê bimîne?”

Hevseroka Giştî ya HDPê Pervîn Bûldanê bersiva nîqaşên ku li ser HDPê tên kirin daye û gotiye: "Bila ti kes li ser HDPê siyasetê neke û bila her kes hedê xwe bizanibe."

Malbata Şenyaşar ku Nobeta xwe ya Edaletê didomîne bang li Wezareta Dadê kiriye û gotiye: “Li Rihayê edalet tenê wek peyv heye. Hûn ê bi kirinên xwe bên bibîranîn.”

Rêberê Koreya Bakûr Kîm Yong-un destnîşan kiriye ku ew ê tu carî dev ji çekên nukleerî bernedin.

Biroya Hiqûqê ya Sedsalê serî li CPTyê daye û xwestine ku bi lez û bez şandeyek biçe Girtîgeha Îmraliyê û hevdîtinê bi Ocalan, Yildirim, Konar û Aktaşî re bikin.

Hişyar Ozsoy, Parlamenterê Amedê yê HDPê gotiye: “Em rewşa Aysel Tûglûkê dizanin. Tevî ku raporên heyete hene jî bi mebesta tolhildanê Tûglûk li girtîgehê tê girtin.”

Li salonên sînemayan vê hefteyê sê heb wê xwemalî, 8 fîlmên nû wê bên nîşandan.

Nejla Kûrûl, Seroka Giştî ya Egîtîm Senê diyar kiriye ku polîsan avahiya navenda giştî ya sendîkayê dorpêç kiriye û daxuyaniya ku hatibû plankirin li pêş wezaretê bibe asteng kirine.