Ji ber şerê navxweyî yê li Yemenê berdewam dike, di mehekê de 235 sivîl mirine. 10 hezar kes neçar mane cihê xwe biguherînin. Her weha xela çêbûye.

Komeleya Ziman û Çandê ya Birca Belek û Baroya Şirnexê bi xebateke hevpar ji bo parêzeran dest bi perwerdehiya kurdî kirin.

Li Lubnanê gule li kesên ku lêpirsîna têkildarî teqîna Beyrûdê protesto kirine, hatiye reşandin. Di bûyerê de herî kêm 6 kes mirine û 20 kes jî brîndar bûne.

Serokomar Erdoganî, du cîgirên Banka Navendî, Prof. Dr. Semîh Tumen û Dr. Ûgûr Namik Kuçuk û endamekî Lijneya Polîtîkeya Pereyan, Prf. Dr. Abdûllah Yavaş, ji wezîfeyê girtiye.

Di hilbijartina Iraqê de li gorî encamên nefermî 97 jin bûne parlamenter. Encamên fermî yên hilbijartina Iraqê wê li piştî 20 rojan were aşkere kirin.

Necla Bûden Ramazan û wezîrên din ên ji bo avakirina hikûmetê hatibûn wezîfedarkirin, sond xwarine û dest bi kar kirine.

Rektoriyê destûr nedaye ku akademîsyenê Bogaziçiyê, Can Candan dersan bide. Can Candan ev 14 sal in ku li heman zanîngehê ders dida.

Li Marê, navçeya Ezaza Sûriyeyê ku di bin kontrola Tirkiyeyê de ye êrişî wesayîta bi zirx kirine. Di encama êrişê de 2 polîsên Hêzên Taybet mirine û 2 polîs jî birîndar bûne.

Devlet Bahçelî, Serokê Giştî yê MHPyê gotiye ku bila HDP were girtin. Balçeliyî ji bo DYAyê jî gotiye, “Dost e dijmin e?”

Hevdîtinên Budçeyê yên HDPê li Agiriyê destpê kiriye. Hevdîtinên Budçeyê li tevahiya welat wê heta 23ê Çiriya Pêşiyê bidome.

Xelata Aştiyê ya Nobelî ya 2021an dane rojnameger Maria Ressa û Dmitry Muratovî.

Xwendekarên Zanîngeha Bogazîçiyê îro ji bo nerazîbûna xwe li dijî girtina du xwendekaran nîşan bidin, li pêş zanîngehê kom bûn. Pêş ku xwendekar bikevin zanîngehê polîsan midaxele kir û herî kêm 13 xwendekar desteserkirin. Ji xwendekarên ku Nacî Încî, rektore tayînkirî protesto kiribûn jê du hatibûn girtin.

Li gorî lêkolîna girtîgehan a KONDAyê, ji sedî 39ê kesên ku tên girtin, kesên xizan in. Neheqî herî zêde li jinan û rojnamegeran dibe.

Li gorî proje-yasaya MHPyê, wê Wezareta Karûbarên Navxweyî hemû xebatên rojnameyên ku fonan werdigirin, bişopînin. Ew rojname neçar in ku nûnerekî/e xwe ji bo li Wezaretê were tomarkirin, diyar bikin.

Civata Giştî ya TBMMyê pêşnûmeqanûna derbarê Peymana Îklîmê ya Parîsê de qebûl kiriye. Tirkiye yek ji wan şeş welatan bû ku peyman nepejirandibû.

Çar dosyayê parêzbendiyê yên Meral Daniş Beştaş, Huda Kaya û Garo Paylan, parlamenterên HDPê û Salîha Aydenîz, parlamentera DBPyê şandine Serokatiya Meclîsê.

Piştî Serokomar Erdoganî xwendekar kirine hedef, 11 xwendekarên ku xwestine li Zanîngeha Bogaziçiyê perwerde rû bi rû destpê bike û çalakî li dar xistine, li nava kampusê û ji derveyî wê hatine desteserkirin.

Xelata Fîzîkê ya Nobelî îsal di nava Syukuro Manabe, Klaus Hasselman û Giorgio Parisiyî de hatiye parvekirin.

Li Kabîl, paytexta Afganistanê hêzên Talîbanê êrişî cihê ku endamên DAIŞê lê dihewin, kiriye.

Xelata Tibê ya Nobelê ya 2021an wê bidin David Julius û Ardem Patapoutianî .