Li Oxfordê, bajarokê Mîchîganê yê eyaleta DYAyê, di lîseyekê de êrîşeke çekdarî pêk hatiye. Di encamê de herî kêm 3 kes mirîne, 6 kes jî birîndar bûne. Rayedaran gotiye ku xwendekarek hatiye desteserkirin.

21 dersdarên di Çiriya Paşiyê ya 2020an de ji ber lêpirsîna KCDyê hatibûn desteserkirin, îxrac kirine. Kasım Dersdaran xwestin ku li dijî vê biryarê civîneke çapemeniyê pêk bînin, polîsan destûr neda wan.

Piştî ku Serokomar Erdogan duh di bernameya hevbeş a TRTyê de axiviye, nirxê dolarî li beramberî lîreyê tirkan zêdetir bhuye. Nirxê dolarekî amerîkî bûye beramberî 13,96 lîreyê tirkan.

Dadgeha Aştî û Cezê ya Nobedar biryara girtina Metîn Gurcan, endamê lijneya damezrîner yê Partiya DEVAyê daye û ew şandiye girtîgehê. Gurcanî bi tohmeta ku “Sîxuriya leşkerî û sîyasî kiriye” hatibû desteserkirin.

Bekîr Şahîn, Serdozgerê Komarî nêrîna xwe ya derbarê doza girtina HDPê de pêşkeşî Dadgeha Destûrî kiriye. Şahînî xwestiye ku bila îtiraz û daxwazên di paraznameya HDPê de ne neyên qebûlkirin û nêrîna xwe ya di îddianameyê de ya ku “bila ji binî ve were girtin” dûbare kiriye.

Ji 47 kesan 31 kesan gotiye ku ew ne gilikar in û ew nawxazin beşdarî dadgehkirinê bibin.

Akademîsyen û endamê Lijneya Damezrêneran ê Partiya DEVAyê, Metîn Gurcanî diyar kiriye ku bi tohmeta “sîxurê siyasî ye” polîsan ew desteser kiriye.

Ji 2yê Kanûna Paşiyê û vir ve akademîsyen li ber xwe didin. Akademîsyenan di 47an de cara 219an pişta xwe dane avahîya rektoriyê.

Selahattîn Demîrtaş, Hevserokê Giştî yê berê yê Partîya Demokratîk a Gelan(HDP) bang li muxalefetê kirîye ku mîtîngên hevpar çêbikin û banga îstifayê li hikûmetê bikin.

Berhevkar Ayhan Erkmenî li ser çîroka Parlamenter Hesen Xêrî Begî vîdeo 12 deqîqeyan amade kiriye. Hesen Xêrî Beg bi sedema “Serhildana Şêx Seîdî”, di 23ê Çiriya Paşiyê ya 1925an de li Elezîzê hatiye darvekirin.

Serokomar Erdoganî gotiye: “Yaw wê hilbijartina pêşwext nebe, Hezîrana 2023yan! Ev nizanin bi kê re dimeşin, ew çû. Ew roj derbas bûn. Karê qebîleyên hov e ku her ji 15-20 mehan carekê hilbijartinekê li dar bixe.”

Alî Îhsan Yavûz, Cîgirê Serokê Giştî ê AKPê gotiye, “Li Tirkiyeyê ne mimkune ku hilbijartina pêşwext çêbibe. Ma êdî mimkûn e? Ji aliyê teorîk ve her tim mimkun e, lê ji bo ku bibe ti sedemek nîne.”

Li gorî encamên destpêkê, li Bûlgaristanê di dora duyem a hilbijartina serokomariyê de Rumen Radev careke din hatiye hilbijartin.

Piştî Belarûs û YE civiyane, penaber ji kampa ku li ser sînorê Polonya-Belarûsê ye derketine. Ew birine li nava sînorê Belarûsê, li qadeke girtî bicih kirine.

Atolye BIA wê li Amedê Kargeha Nûçegîhaniya Mafparêz a Kurdî pêk bîne. Bername wê bi kurdî be û rojekê dewam bike. Heta 26ê Çiriya Paşiyê, roja Înê hûn dikarin serî lê bidin.

Serokê Giştî yê CHPyê Kemal Kiliçdarogû û Seroka Giştî ya IYI Partiyê Meral Akşenerê civîneke hevbeş li dar xistiye û ji bo pêvajoya hilbijartina pêşwext bide destpêkirin, bang li Serokomar Erdoganî kiriye.

Serokomar Recep Tayyîp Erdogan dema xwedî li nêrîna “Faîz sedem e, enflasyon encam e” derketiye, dolar bi 10,48an rekorek nû şikandiye.

Endam û rêveberên HDPyê, Alîkarê Serokê Giştî yê PSKyê jî tê de 14 siyasetmedar û sendîkavan hatine girtin. Piştî parêzeran li dijî biryara girtinê serî li dadgeheke bilind dane, dadgehê Bayram Bozyel, Alîkarê Serokê Giştî yê PSKyê tehliye kiriye.

Hewldanên Israîlê yên ji bo her du welatiyên xwe yên li Stenbolê hatine desteserkirin, dewam dikin. Çapemeniya Israîlê ragihandiye ku, rayedaran gotiye “Em ditirsin Erdogan vê vegerîne fersendeke siyasî.”

Rêveberiya Koçberiyê aşkere kiriye ku 45 penaberên di dema xwarina mûzan de vîdeoyên xwe girtine û ew li ser medyaya civakî weşandine, şandine navêndên dersînorkirinê.