Demîrtaşî peyamek şandiye ji merasîma xelatdayînê re û gotiye: “Vê xelatê peywîr û berpirsiyariya min a li beramberî gelê min, zêde kiriye.”

Dadgeha Destûrî delîlên ku Serdozgerê Komarî yê Dadgeha Bilind Bekîr Şahînî li dosyeya girtina HDPyê zêde kiriye, pejirandine.

Dadgeha Bilind cezayê li Seroka CHPê ya Stenbolê Canan Kaftancioglu hatibû birîn, pesend kiriye.

Alîkara Wezîra Malbatan û Polîtîkayên Civakî Kurba Guran Yîgîtbaşi ji bo Walîtiya Afyonê hatiye tayînkirin. Yîgîtbaşê bûye yekem waliya ku serê wê girtî ye.

Google-ê 24 zimanên din li beşa xwe ya wergerê ya bi navê Translate-ê zêde kiriye. Yek ji van zimanan kurdiya soranî ye.

Ahmet Şik û Ozgur Ozel piştî ku dadgehê biryara xwe aşkere kir, li derveyî avahiya edliyeyê axivîbûn û kanalên televizyonê ev daxuyanî weşandibû. RTUKê axavtinên Şik û Ozelê weke sûc hesibandiye.

Parêzer Merîç Eyûboglûyê got: “Desthilata siyasî karta çapemeniyê nedida rojnamegerên li gorî wê ‘meqbûl’ û ji ber wê bi dehan doz hatine vekirin. Ev jî yek ji wan bû.”

Navenda Lêkolînê ya Spectrûmê di rapora xwe ya derbarê penaberên sûriyeyî de gotiye: "Divî siyasetmedar penaberan, weke dijmin nîşan nedin, wan tawanbar nekin, bi helwesteke mafparêz polîtîkayên çareseriyê pêk bînin.

Ayşe Acar Başaranê gotiye, “Li Navenda Giştî ya HDPê di şexsiyeta min de gef li hemû Kurdan, jinan û HDPyiyan hat xwarin. Gotina ‘ez te mix dikim’ gotineke ku ji demokrasiya Tirkiyeyê re hatine gotine.”

Komeleya Mafên Mirovan gotiye ku zexta daraz li siyasetmedarên kurdan dike, pêkanînên kayûman, êrîşên li ser avahiyên bajar û navçeyan û pevçûnên bi operasyonên dersînor re tên gûrkirin, û behsa bandora van tiştan a li ser jiyana mirovan û aboriyê kiriye.

Polîsan duh gaza rondikrêj li ber avahiya Navenda Giştî ya HDPyê êrîşî parlamenteran kiribû, 8 kes desteser kiribûn. Polîsekî li pêş kamerayan ji Parlamentera HDPyê Ayşe Acar Başaranê re gotiye, "Ez ê te bizeliqînim."

Ayşe Acar Başaran, Berdevka Meclîsa Jinan a HDPê ya ku polîsan gef lê xwaribû, gotiye “Partiya me bi berdewamî weke hedef tê nişandan û serkêşê vê provakasyonê Wezîrê Navxweyî ye. Tifaqa AKP-MHPê ye.

Di serdema Kanûna Paşîn, Sibat û Adara 2022yê de bi kêmanî êrîşî şeş rojnamegeran û saziyeke weşanê bû. Xwediyê Rojnameya Ses Kocaeliyê Gungor Aslan di encama êrîşeke çekdar de can da. Digel hemû êrîşan, bila 3yê Gulanê, Roja Azadiya Çapemeniyê ya Cîhanî pîroz be.

Rojnameya The Guardianê vîdeoyek weşandiye ku tê de dîmenên leşkerên rejîma Esadî hene û ew leşker li Taxa Tadamonê ya li başûrê Şamê di sala 2013an de bi kêmanî 41 sivîl kuştine.

Serokwezîrê berê yê Iraqê Nûrî Malikîyî ji bo operasyona Tirkiyeyê ya li nav xaka Herêma Kurdistanê dike, peyamek li ser hesabê xwe yê Twitterê weşandiye û gotiye ku ji bo dewleta tirkan hemû kurd weke hev in: "Divê kurd jî vê fam bikin."

Ji sedî 89ê nexweşan zarok in û temenê wan di jêr 10an de ne. 21 nexweş vedirşin, dilê wan dixele û bi şotika bi xwîn ketine. Şaxê Stenbolê yê Odeya Endezyarên Xwurekan a TMMOBê diyar kiriye ku li Tirkiyeyê di rêveberiya krîzê de kêmasî hene.

Edîtora rojnameya Xwebûnê Elif Can Alkanê got: "Her çiqas di qanûn û hiqûqa Tirkiyeyê de astengî û qedexe li ser zimanê kurdî tunebin jî, di rastiyê de îro ji Meclisê bigirin heta dibistanan ji wir bigirin heta kolanan, li her qadên jiyanê, li hemberî çand û zimanê kurdî qedexe heye."

Ji ber mesaja derbarê Komkujiya Ermeniyan de lêpirsîname ji bo Sezgîn Tanrikûlûyî hatiye amadekirin.

KCD, TJA, DBP û HDP û saziyên civaka sivîl ji bo 1ê Gulanê li Amedê civîneke çapemeniyê li dar xistiye û gotiye: “Em li dijî şerî piştgiriya kedê xurt bikin.”

Bi deh hezaran jinan xwestine Aysel Tûglûk, siyasetmedara girtî ya ku bi nexweşiya demansê ketiye, demildest serbest bibe. Jinan gotiye, "Şert û mercên girtîgehê nexweşiya wê girantir dikin."