Li Iranê polîs nahêle rojnameger xwepêşanên ku piştî qetilkirina Mahsa Emînîyê li Îranê dest pê kirine bişopînin. Rojnamegerên ku tên desteserkirin bi “sîxurtiyê” tên tohmetbarkirin.

Zara Mihemedî, Dersdêra zimanê kurdî û Seroka Komeleya Çand û Civakî ya Nûjînê li Girtîgeha Sineyê dest bi çalakiya greva birçîbûnê kiriye.

Ferît Şenyaşarê bi dayika xwe Emîne Şenyaşarê re 564 roj in Nobeta Edaletê digire wiha gotiye: “Tevî ku hemû cîhan dizane jî dayik mafdar e, li ser dozê destekî siyasî heye.”

Parêzer Karaçelîk diyar kiriye ku derbarê bersûc de lêgerîneke bibandor çênebûye û Dadgeha Cezayê Giran a Kirikkaleyê ji bo ku bersûc bireve dervet çêkiriye.

Beşeke zêde ciwan, li dijî hebûn û mayîna penaberan a li Tirkiyeyê derdiketine. Kesên ku ji Stenbol û Îzmîrê beşdarî rapirsînê bûne, li gorî kesên ji Amed, Wan û Şirnexê beşdar bûne, bersivên erênîtir dane.

Wezareta Tenduristiyê ya Sûriyeyê aşkere kiriye ku keştî ji Libnanê bi rê ketiye û li peravên Sûriyeyê noqî avê bûye. Di encamê de bi kêmanî 34 penaber mirine.

Di xwepêşandan û nerazîbûnên duh û şevê din ên li Rojhilatê de 8 kesê din ku li bajarên Urmiye, Şino, Şahabad û Îlamê ji aliyê hêzên ewlekariyê yên Îranê ve hatine kuştin.

Konserta ku hunermend Îlkay Akkayayê wê di 25ê Îlonê de li Rihayê bide, ji aliyê walîtiyê ve hatiye qedexekirin.

Nobeta Edaletê ya Malbata Şenyaşarî di roja 563emîn de dewam dike. Malbatê li ser hesabê xwe yê medya civakî ragihandiye û gotiye, “Rêya bidestxistina edaletê, piştevanî, yekitî û hevgirtin e.”

Parêzeran daxwaz kiriye ku dozê bixin nava sûcên li dijî mirovahiyê. Heyeta Dadgeha 6ê ya Cezayê Giran a Enqereyê daxwaza parêzeran nepejirandiye û li gorî daxwaza dozgerî biryar daye. Li gorî vê biryarê doza qetilkirina Mûsa Anterî betal bûye.

Doktar Zeynep C.ya afganistanî: “Em li Tirkiyeyê tenê hilmê distînin. Em hewl didin ku zikê xwe têr bikin. Lê jiyan ne ev e. Em najîn. Em hewl didin li jiyanê bin. Ez nikarim zarokên xwe bidim xwendin. Zarokên min ne bextewar in. Keder ji navê min dihelîne.”

Şaxa OHDê ya Amedê û Komeleyan Jinan a Rosayê serdana Emîne Şenyaşara ku li pêşiya Edliyeya Rihayê di Nobeta Edaletê yê kirine.

Polîsan destûr nedaye ku beriya dadgehkirina Dayik/Mirovên Şemiyê, li ber avahiya dadgehê civîna çapemeniyê li dar bêxistin. Mafparêz, rêveberên partî û sendîkayan jî tê de 10 kes desteser kirine.

Rêxistina Mafên Mirovan Hengawê ragihandiye ku ji bo protestokirina qetilkirina Jîna Mahsa Amînîyê li 24 bajarên Îranê çalakiya grevê hatiye destpêkirin. Li gorî rêxistinê di encama çalakiyan de 3 kes hatine kuştin, 221 kes birîndar bûne û 250 welatiyên Kurd jî hatine revandin.

Mohamed Abdullahî, welatiyê Somaliyê ye û restoranta wî rastî êrişa nijadperestî hatibû. Omer Farûk Gergerlîoglû, parlamenterê HDPê ragihandiye ku wê Abdullahî bişînin Navenda Şûnve Şandinê.

Piştî ku Mahsa Amînî hate kuştin, li Îranê xwenîşandan dewam dikin. Li gorî daxuyaniya Rêxistina Mafên Mirovan a bi navê Hengawê, di dema xwenîşanan de bi kêmanî 250 kes hatine desteserkirin.

Serlêdana Gulsum Elvanê ya Dadgeha Destûrî biencam bûye. Dadgehê biryar daye ku miemeleya xerap hatiye kirin û derbarê polîsên piyê Elvanê şikandine de wê lêpirsîn were destpêkirin.

Doza kuştina Kemal Kûrkûtî ji nû ve birêve diçe. Polîsekî di îfadeya xwe de îdia kiriye û gotiye, Kemal Kûrkût bi perenda di destê xwe de êrîşî polîsan kiriye. Polîsê din jî gotiye, kêr di destê Kûrkûtî de hebû.

Endamên HDPa Esenyûrtê bi daxwaza perwerdeya bi zimanê dayîkê çalakî li dar xistine. Polîsan êrişî çalakvanan kiriye û kelemçe ji pişt ve li destê 9 kesan xistiye û ew desteserkirin e.

Li gorî îstatîstîkên sala 2021ê, 66 hezar kesî serî li Dadgeha Destûra Bingehîn daye. Dadgehê di 11 hezar û 830 serlêdanan de biryar daye ku bi kêmanî mafek hatiye binpêkirin.