Keskin û Çapan îro ji 6 dozên cuda hatin dadkirin. Ji wan dozan yek bi hinceta “poropagandaya rêxistinê kirine”, 3 bi hinceta “heqarêt li serokwezîr kirine”, 2 jî bi hinceta “TCK 301 (tirkbûnî û saziyên dewleta tirk rûreş kirine” hatine vekirin.

Sîbel Çapraza girtî ya ku nexweşiya wê giran e, ‘’bi gumana ku dikare bireve’’ nehat berdan.

Li 16 gundên girêdayên navçeyên Lice û Hênê ya Amedê derketina derve hat qedekirin.

Walîtiya Bedlîsê daxuyand ku li gundên Oleka Jor û Oleka Jêr de operasyon leşkerî tê lidarxistin û li her du gundan derketina derve hatiye qedexekirin.

Artêşa Iraqê diyar kir ku îdiayên dibêjin Tirkiye beşdarî Operasyona Mûsilê bûye derew e.

Rêxistinên mafan girtina nûnerê THIVê yê Cizîrê Dr. Serdar Kuni û binçavkirina Serokê IHDê ya Şaxa Colemêrgê Îsmaîl Akbulut şermezar kir û xwest ku ew serbest werin berdan.

Rêxistina Bexişînê ya Navneteweyî jî tê de 26 saziyên sivîl yên navneteweyî bi danezaneke diyar kirin ku bi KHKên (Biryarnameya Di Hukmê Qanûnê de) li Tirkiyeyê hatine îlankirin, mafên mirovan tê binpêkirin û bangî hukimetê kir ku ew yekena werin rakirin.

Civînên ji bo hevgiriya bi Asli Erdogan re li Stenbol Kadikoyê li Cafe/Pirtûkxaneya Akademiyê cara sêyemîn tê lidarxistin. Di vê civînê de axavtîner Turker Ayyildiz e.

Bînalî Yildirimê serokwezîr di komcivîna AKPyê(Partiya Dad û Geşepêdanê) de got: ‘’hêzên me yên asîmanî jî tevlî Operasyona Mûsilê bûn.’’ Piştî civînê got niho Tirkiye ne di nav Hêzên Hevpeyman de ye.

Serokwezîrê Iraqê, el Îbadîyî gotiye: ‘’Erdogan dibêje Kurdên li Iraqê têne asîmîlekirin(bişaftin). Erê we mafên leşkerî û siyasî yên kurdên Tirkiyeyê dane wan?’’

Walîtiya Amedê li 14 gundên girêdayê navçeyên Hezro, Hênê û Liceyê derketina derve qedexe kir.

Cihgirê sekreterê giştî yê Neteweyên Yekbûyî, Stephen O'Brien got: ‘’Ew di fikara ewlehiya 1,5 milyon xelkê ji Mûsilê ne, çêdibe ew di nava du agiran de bimînin.’’

Serokwezîrê Iraqê, Heyder El Îbadîyî di siet 01.40ê şevê de, da zanîn ku Operasyona Mûsilê dest pê kiriye.

Li navçeya Bêşebabê ya Şirnexê leşkerekê pêl bombeyeka li erdê hatî çandin kiriye û miriye.

PKKyîyan li ser rêya di navbera Mêrdîn û Amedê de, mayin li leşkeran teqandiye, bi êrîşê sê leşker mirine.

Li navçeya Elbakê ya Wanê û li navçeya Şemzînanê ya Colemêrgê, PKKyîyan li ser rêyan bombe li wesayitên leşkeran teqandine û bi vê yekê 12 leşker birîndar kirine.

Enver Şentûrk xerdiyanek bû ku ji ber lêpirsîna derbeyê ji karê wî hatibû bidûrxistin, îro hat ragihandin ku Enverî xwe kuştiye.

Dozgerê Komarê yê Stembolê, doza wan polîsên ku di 6ê Kanûna Pêşiyê ya 2015ê de, nûçegihana bianetê, Beyza Kural ji piştê ve kelepçe kiribû û derb kiribû, sekinand.

Berdevkê, Wezareta Karên Derve ya Amerîkayê, John Kirbyî daye zanîn ku Tirkiye ne parçeyeka Hêzên Hevpeyman e û gotiye, ‘’divê hemî cîranên Iraqê rêzê li yekparçetiya axa Iraqê bigirin.’’

HPGyê eşkere kir ku serokê Berpirsiyarîya AKPyê ya Dîcleyê, Deryan Aktert û Ahmet Adiyamanê cerdevan, HPGyê kuştine.