Li gor Meclîsa Saxlemiya Karkeran û Ewlehiya Karî (İSİG) di meha Sibatê de 125 karker mirine. Li gor jimarên ISIGê nû bi dest xistine di du mehên destpêka sala 2019ê de 284 karker mirine.

Komisyona Gelan û Baweriyan a HDPyê bertek nîşanî gotinên Erdoganî yên ku digot, “heke hûn dixwazin, li Bakurê Iraqê Kurdistan heye. Bicehimin û herin li wir” da û derbarê mijarê de civîneke çapemeniyê li dar xist.

Parêzerê berê yê Donald Trumpî, Michael Cohenî hefteya borî li Meclîsa Nûneran îfade dabû. Serokê Komîteya Edaletê ya Meclîsa Nûneran, Jerrold Nadlerî diyar kiriye ku bi sûcên "astengkirina sîstema edaletê","gendelî","di rêyên xelet de bikaranîna erk û wezîfeyan" li ser Trumpî lêpirsînek ê bê vekirin.

Dadgeha Îstinafê cezayê ku li Prof. Dr. Zubeyde Fusûn Ustel, akademisyena aştîxwaz, hatiye birîn, pesend kiriye. Li gorî vê encamê sal û 3 meh cezayê girtinê yê Ustelê hatiye erêkirin.

Parêzeran ji bo Yîgît Aksakoglûyî serî li Dadgeha Destûra Bingehîn daye. Parêzeran di daxwaznameyê de gotine “mafê dadkirina adil hatiye binpêkirin”.

Bi salan e kêşe di navbera Pakistan û Hindistan de hene. Çêdibe ku tansîyona kêşeyan kêm bibe. Pakîstan ê pîlotê Hindistanê lê vegerîne.

Bi sedema ku wê operasyon li Pîrana Amedê çêbibe, li 8 gundan derketina derve hatiye qedexekirin.

Di doza kuştina Kemal Kûrkûtî de rapora Buroya Krîmînal a Netewî hatiye aşkerekirin: “Kûrkût ne bi guleya ku pekiya ye ne miriye, hatiye dîtin ku polîsê gumanbar Kûrkût kiriye hedef û gule bera daye”.

Parlamentera Amedê ya Partiya Gelan a Demokratîk (HDP), Semra Guzelê diyar kiriye ku li Girtîgeha Cûreyê Fyê ya Edirneyê, girtiyên dest bi greva birçîbûnê kirîn hatine tecrîdkirin.

Dadgeha Qanûna Bingehîn, biryara xwe ya li ser herifîna Bayram Otel a Wanê eşkere kiriye.

Girtîyên ji dozên PKK û PAJKê hatîn girtin daxuyandine ku ji ber hikûmet gavên pêwîst naavêje ew ê ji yekê Adarê pê ve dest bi greva birçîbûnê bikin, grev dê li hemî girtîgehan belav bibe.

Heyeta Dadgeha Cezayê Giran a Stenbolê ya 37em 15 meh cezayê girtinê li du akademisyenan birî. Aşkerekirina biryaran hate taloqkirin.

Mafparêzan di civîna çapemeniyê de diyar kirin ku bila demildest dest ji tirsandina bi plan û taciza hiqûqî berdin. Di daxuniyê de her wiha bal kişandin ser îdianameya derbarê Osman Kavala û 15 xebatkarên rêxistinên civaka sivîl.

Ji 5ê Kanûna Pêşiyê ya 2017ê heta 26ê Sibata 2019ê 486 akademîsyen hatine dadkirin.

Dadgehên Stenbolê ji bo her yek ji çar akademîsyenan salek û sê meh cezayê girtinê da, dadgehekê jî salek 10 meh û 15 roj cezayê girtinê daye akademîsyenekî.

Li 35em DCGyê heyeta dadgehê biryar girt ku ji Wezareta Dadê bê pirsîn, ka ew dikarin dadkirina Prof. Dr. Melih Kirlidogî li gorî Xala 301ê ya TCKyê çêbikin an na. Heyetê dosya wê bişîne Serdozgeriya Komarî ya Stenbolê.

Piştî ku Tirkiyeyê biryara DMMEyê ya derbarê tehliyekirina Selahattîn Demîrtaşî bi cî neaniye, parêzeran serî li Daîreya Mezin a DMMEyê daye.

Ji ber nivîsa bi navê “Terora rastî terora dewletê ye” ya ku du sal û nîv berê li ser malpera Ozgur Unîversîteyê hatibû weşandin, bi tohmeta “propagandaya rêxistina terorê” doz li nivîskar Fîkret Başkayayî hatiye vekirin.

Nûnerê Weqfên Cimaetan, Moris Leviyî bi nivîsan êrîşa li dêr Ermeniyan hatî kirin şermezar kiriye.

Ji ber ku ketiye greva birçîbûnê, rêveberiya Girtîgeha Sîlîvriyê, ceza daye Eren Erdem, parlamenterê berê yê CHPyê û endamê Meclîsa Partiyê. Li gorî vî cezayî, Erdem wê nekaribe mehekê beşdarî “xebatên sportîf” ên li girtîgehê bibe.