Li Bodrûmê belema penaberan piştî bi rê ketiye bi demeke kurt, noq bûye. Pênc penaber rakirine nexweşxaney, lê du zarok mirine.

Biryara li ser paşdedana sietê ya serokkomariya Tirkiyeyê li Rojnameya Fermî ya Tirkiyeyê hatiye weşandin li gor biryarê îsal demjimêr dê sietekê neyê paşdedan.

Charles Aznavourê hûnermend îro miriye. Hûnermendê ermenî ji Fransayê ye û di 94 saliya xwe de miriye.

Akademiya Swêdê Xelata Nobelî ya TIBê daye James Allison û Tasuku Honjoyî. Herdu zanyaran ji ber xebatên li ser penceşêrê xelat standiye.

Polîsekê bi navê O.Y. Gulana 2017ê dema wesayita zirxkirî ya polîsan diajot wesayit li dîwarekê daye û bi ser du zarokên 6 û heftsalî de herifandiye. Muhemed Yildirimê 7 salî û Furkan Yildirimê 6 salî li bin dîwarî mane û mirine.

Li gorî rapora Greenpeaceê ya “Ber bi paş ve jimartina Ji bo Daristanên Baranan”, şîrketên li cîhanê tên naskirin, ji bo rûnê palmê bi dest bixin, daristaneke bi qasî Stenbolê tune kirine.

Kesên li Daristana Hambachê dijîn berxwedana xwe ya li dijî birîna daran berdewam dikin. Di encama êrîşa polîsên Alman de rojnamegerek miriye. Rêveberiya Ren-Vestfalya ya Bakur biryar girtiye ku operasyonê bidin sekinandin.

Di sala 2017ê de, 6.3 milyon zarok mirine. 5,4 milyon zarokên mirîn ji 15 saliyê biçûktir bûne. Li gor raporên Neteweyên Yekbûyî eşkere kirî heke midaxele hatibûya kirin piraniya wan zarokan nedimirin.

TUIK(Rêxistina Statîstîka ya Tirkiyeyê) jimara wan kesên bêkar eşkere kir. Li gor daneyên saziyê di meha Hezîranê de 64 hezar kes dî jî bêkar bûne û jimara bêkaran bûye 3 milyon û 315.

Bahoza Florenceyê a ku 5 eyaletên DYAyê (Dewletên Yekbûyî yên Amerîkayê) ji bo wê di alarmê de ne gihaşt peravên bajarî.

Li DYAyê ji bo Bahoza Florenceyê hişyarî hatiye dayin. Li DYAyê bahoza li Florence dest pê kiriye ji Bahoza Katrînayê û vir ve bahoza herî mezin tê qebûlkirin. Niha gihiştiye qonaxa 4em û çavlirêye ku roja pêncşemê bigihêje Carolînaya Başûr. Ji ber vê bahozê milyonek mirov ji eyaletên Carolînaya Başûr û ji Virginiayê wê bên derxistin.

Ew kesên cihû 9ê Îlonê ketin sala 5779ê, ew ê heta 12ê Îlonê sersalê pîroz bikin.

Li Kalîfornîyayê di 12-14ê Îlonê de civîna pilebilind a çalakîyên iqlîma kûreyî heye. Berî civîna pilebilind dê li 89 dewletan bi 748 çalakîyên cûr bi cûr balê bikşînin ser guherînên iqlîmê. Li Tirkîyeyê jî wê dildar li 10 bajaran û li 14 cîyên cuda çalakîyan li dar bixin.

Mûrat Çepnî Alîkarê Hevserokê Giştî yê HDPyê, derbarê şewata daristanên li Dêrsimê de li Parlamentoyê civîneke çapemeniyê çêkiriye. Çepniyî gotiye “Destûra Bingehîn tê binpêkirin”.

Şaredariya Bajarê Mezin projeya bi navê “Projeya Qaalîbazan” bi navê “Projeya Veguhestinê ya Meydana Kabataşê” bi nav kiriye û îlan kiriye ku şaredariyê “Projeya Qaalîbazan” betal kiriye.

Neteweyên Yekbûyî digel Komeleya Penaber û Koçberan “Rapora hewceyîyên jin û zarokên ji bo demekê li Tirkiyeyê penaber in” amade kiriye.

Heyeteke ku ji namzetên HDPyê(Partiya Gelan a Demokratîk) pêk tê xwestiye here cîyê êgir girtî daristanê. Heyetê xwestiye lêkolînê li cîyê bûyerê bike. Hêzên Çekdar ên Fermîdestûr nedaye endamên heyetê.

Wesselinkê ku li Hollandayê li ser dêran kar dike dibêje ku ji ber êdî kes nema diçin dêran, an wan derdixin ber firotinê yan jî dirûxin. Li gorî nêrîna Wesselinkî di 12 salên pêşiya me de têpayîn ku bi hezaran dêrên din vala bibin.

Li Izmîrê zarokekî bi çeka bavê xwe dileyîst, bi wê çekê xwe kuştiye.

Rojnamegera Meşale Tolû, piştî 8 mehan li girtîgehê mayî Adara 2017ê ji girtîgehê derketibû lê derketina derveyî Tirkiyeyê ji bo wê hatibû qedexekirin. 20ê Tîrmehê qedexeya li ser wê hatiye rakirin, dema qedexe rabûye ew çûye Almanyayê.