Li gorî daneyên Fona Alîkariya Bi Zarokan a Neteweyên Yekgirtî (UNICEF) ji sedî 21ê jinên li cîhanê, hîna zarok in tên zewicandin.

Li gorî Peymana Mafên Zarokan a Neteweyên Yekgirtî qedexe ye ku zarokan bidin şerkirin. Lê li gelek welatan zarokan dikin leşker.

Celalettîn Can Berdevkê Hewldana 78an, Ozturk Turkdogan Hevserokê Giştî yê Komeleya Mafên Mirovan (İHD) û rojnameger Alî Bayramoglûyî serdana Parlamentera HDPyê ya Colemêrgê Leyla Guvenê kirine. Leyla Guven 96 roj in ku di greva birçîbûnê de ye.

İTO, TİHV, SES û İHDyê di civîna çapemeniyê ya hevbeş de diyar kirin ku wan ‘Komisyona Şopandina Li Grevên Birçîbûnê’ ava kiriye.

Duhî li Stenbolê xaniyek hatibû xwarê, wezîrê karên navxweyî eşkere kiriye ku di wî xaniyî de 11 kes mirine.

Projeya santrala termîka komirî ya ku hat xwestin li daristana berûya nêzîkî gundê Pinarcayê ya Çerkezkoyê bê çêkirin, li piştî ÇEDê biryara nerênî daye, hatiye betal kirin.

Ji ber Roja Înternetê ya bi ewle daxûyaniyek hatiye dayîn û tê de hatiye gotin; ciwanên ku temenê wan di navbera 15-24 salî de ye û di înternetê de ne, ji sedî 70,6ê wan ji ber tundkarî, zordariya ferazî ango cyber û tacîzên dijîtal di bin xetereyê de ne.

OHPyê rapora xwe ya li ser rewşa kesên li girtîgehan di greva birçîbûnê girtine de ne raporek aşkere kir. Di raporê de hatiye gotin ku mafê tenduristiyê û yê jiyanê yên girtiyên di greva birçîbûnê de ne, tê binpêkirin.

Hikûmeta Galyayê hewl dide ku ji sala 2020ê û pê de perwerdeya mafên zarokan bê dayîn.

Ji ber berfa zêde û pûkê rêyên 23 gund û gundikên Colemêrg û Geverê hatiye girtin.

Li bajarên Wan, Dêrsim, Colemêrg, Îdir û Mûşê berf bariyaye û erd spî bûye. Me wêneyên berfê yên wan bajaran ji Ajansa Anadoluyê berhev kirin.

UNICEFê diyar kiriye ku ji bo alîkariya 41 milyon zarokan, ew daxwaza 3,9 milyar Dolaran dike.

Li Navenda Mafên Zarokan ya Baroya Amedê giliyek hatiye kirin û gotine zarokeka 15 Sali hatiye zewicandin. Pişti vê giliyê Baroya Amedê ji bo parastina mafên zarokan serî li Dozgeriya Komarî ya Amedê daye û çi encamek bi dest nexistiye.

Hunermend, Ayşen Grûda piştî nimêja wê cenazeyê ya li mizgevta Zîncîrlîkûyûyê hatiye binaxkirin.

Rojnameger-Wênesaz Zehra Doganê ji Pûşpera 2017an ve di girtîgehê de ye.

Li Nexweşxaneya Medîcal Parkê ya Elezîzê kartên zimanî yên tendûristiyê hatiye çêkirin. Kart bi 17 zimanên ji hev cûda hatiye nivisîn. Parlamentera Partiya Demokratîk a Gelan(HDP) Semra Güzelê li ser vê mijarê ji bo bersiv dayînê pêşniyazname pêşkeşî Wezîrê Tenduristiyê Fahrettîn Koca kiriye.

Girtiya nexweş Sîsê Bîngol, di Girtîgeha Tarsûsê de girtî ye. Derbarê Bîngolê de 2 raporên bi nakok yên tendûristiyê hatine dayîn. Parlamentera Partiya Demokratîk a Gelan(HDP) Fatma Kûrtûlanê jî derbarê wan raporên de pêşniyazname pêşkêş kiriye û pirsiye, Sîsê Bîngol ji ber çi nehatiye tehliyekirin.

Dadgeheke Amedê, derbarê doza tazmînatê ya Hêlîn Şena 12 salî ya ku li Amedê ji aliyê polîsan ve hatibû kuştin de biryar daye. Li gor biryarê divê Wezareta Karê Navxweyî 314 hezar Tlyî bide malbata Şenê. Herweha 3 sal û nîve ku doz li polîsê Hêlîn Şen kuştiye nehatiye vekirin.

Baroya Enqereyê giliyê Midûrê Girtîgeha Sîncanê û gardiyanan kiriye.

Li Rûhayê zarokekê 14 salî yê bi navê Ahmet Çiftçi li zeviyên pembûyan kar dikir. Dema ku terektorekê bi gîsnekê bi cûreyê “circirik” erd dikola ew jî di terektorê de bûye. Dema erdkolanê ew ji terektorê ketiye ser gîsnî û miriye.