77 rêxistinên LGBTI û jinan beşdarî Meşa Edaletê bûn

Ji bo nûçeya Tirkî / İngilîzî bitikîne

Serokê Partiya Komarê ya Gelî(CHP) Kemal Kiliçdaroglû 22 roj in ku ji Enqereyê dest bi meşa ber bi Stenbolê ve kiriye.

Di roja 22. a Meşa Edaletê de 77 rêxistinên LGBTI û jinan bi dirûşma “heke wekhevî nebe edalet jî nîne” li cihê Pippa Bacca* lê hatî kuştin beşdarî Meşa Edaletê bûn.

Jinan eşkere kirin ku qeyûmên bûyîn serokên şaredariyan bi sedan jin ji karê wan avêtîne. Bi Biryarnameyên di Hikmê Qanûnan de gelek sazî û rêxistinên jinan hatin girtin, destkeftiyên jinan têne desteserkirin ji ber wê ew beşdar bûne.

*Pippa Bacca hûnermend û aktîvîstek bû ku dixwest nîşan bide dinya hê jî cihekî ewle ye. Ji ber wê bi otostopê dê li dora dinyayê bigeriya. Mêran bi tûndkariyê ew kuşt.

Çi bûbû?

Di 14ê Hezîranê de Dadgeha Stenbolê biryara girtina parlamentê Partiya Komarê ya Gelî(CHP) Enîs Berberoglûyî da.

Berberoglû ji ber nivîsîna nûçeya li ser TIRên MIT(Rêxistina Îstixbarata Neteweyî) hatibû sûcdarkirin. Dema MITê tejî TIRekê çekên giran ji bo Sûriyeyê dibir rêya TIRê hatibû girtin û rojnameya Cumhuriyetê li ser bûyerê nûçeyek çêkiribû.

Serokê Partiya Komarî ya Gelî(CHP) Kemal Kiliçdaroglû û desteya digel wî di 15ê Hezîranê de ji Parka Gûvenê ya Enqereyê ber bi Stenbolê ve dest bi meşê kir. Meşa wî dê 23 rojan dom bike û armanca wî ew e ku heta Girtîgeha Maltepeyê bimeşe. Kiliçdaroglûyî meşa xwe wek "Meşa Edaletê" bi nav kir.

Parlamentê Partiya Komarî ya Gelî(CHP) Enîs Berberoglû di Girtîgeha Maltepeyê de dimîne.(NV/MB)