Li Farqînê derketina derve hat qedexekirin

Li navçeya Farqînê ya Amedê bi hinceta ku wê operasyon bê lidarxistin ji vê sibeyê û pê de biryara qedexeya derketina derve hat standin.

Ji bo nûçeya Tirkî / İngilîzî bitikîne

Walîtiya Amedê aşkere kir ku wê li navçeya Farqînê operasyon çêbibe û ji ber vê jî saet 06.00ê sibehê û pê ed derketina derve hatiye qedexekirin.

Biryara qedexeyê ji bo taxa Çaldereyê û gundikê Kasoyê hatiye standin ku dîroka wê ya qedandinê nehatiye aşkerekirin.

Daxuyanî îro di malpera fermî ya Walîtiyê de hat ragihandin û hat diyarkirin ku biryara qedexeyê di çarçoveya Yasaya Birêvebirina Bajêr ya hejmar 5442yê de hatiye girtin.

Walîtiyê derbarê operasyona ku wê bê lidarxistin de ev daxuyanî da:

“Li herêmên ku wê operasyon li dar bikeve bi armanca ku ewlehiya can û mal û milkên gel bê parastin û ziyan negihêje welatiyên sivîl, di çarçoveya Yasaya Birêveberina Bajêr ya hejmar 5442yê li herêmên ku hatine diyarkirin heta fermaneke din derketina derve hatiye qedexekirin.” (AS/FD)


Amed - Navenda Nûçeyan a BIAyê

23 Çiriya Paşiyê 2017, Pêncşem