Li Xezeyê 26 hezar û 900 filistînî hatin kuştin
Wezareta Tenduristiyê ya Filistînê ya li Xezeyê ragihand ku di êrîşên Îsraîlê de di 24 saetên dawîn da 150 filistînî hatin kuştin û 313 filistînî jî birîndar bûn.
Eşref el-Kudra, Berdevkê Wezareta Tenduristiyê ya Filistînê ya li Xezeyê di daxuyaniya xwe de têkildarî êrîşên Îsraîlê yên 117 roj in didomin ên li ser Xezeyê agahî da.
Kudra diyar kir ku hêzên Îsraîlê di 24 saetên dawî de li Xezeyê 150 filistînîyên din kuştin û 313 Filistînî jî birîndar bûn û destnîşan kir ku ji 7ê Çiriya Pêşiyê vir ve hejmara Filistîniyên li Xezeyê mirine derket 26 hezar û 900an û hejmara birîndaran jî derket 65 hezar û 949an.
Berdevkê Wezareta Tenduristiyê ya Filistînê Eşref el-Kudra diyar kir ku li Xezeyê di bin xirbeyan û li ser rêyan da mirî hene, lê ji ber astengiya hêzên Îsraîlê tîmên tenduristiyê û wezîfedarên parastina sivîl nikarin xwe bigihînin cenazeyan.
(AS/AY)