Li Stenbolê 28em Hefteya Rûmetê ya LGBTI+yan dest pê kiriye

Komîteya Hefteya Rûmetê ji bo kombûneke girseyî bang nekirine da ku tenduristiya çi kesî nexe xeteriyê û biryar dane li ser platformên onlîne li Taksîmê bên gel hev.

Stenbol

Fotograf: @istanbulpride

Ji bo nûçeya tirkî bitikîne

28em Hefteya Rûmetê ya LGBTI+yan ya Stenbolê bi diruşma “Ez li kîderê me” duh (23 Hezîrana 2020an) dest pê kiriye. Çalakiyên hefteya rûmetê di navbera 22-28ê Hezîranê de ji ber şert û mercên pandemiya Covîd-19ê cara pêşîn bi awayekî dijital pêk tê.

Hûn dikarin Hefteya Rûmetê li ser hesabê medya civakî bişopînin.

Komîteya Heftaya Rûmetê mijara îsal ku diyar kirine bi vîdeoyekê û weha aşkere kiribû:

Me lêvên xwe sor kirine...

"Me lêvên xwe sor kirine, me xwe hemra û bodra kir; straponên xwe me li nava xwe girêdane, em simbêl qeytan in; hin ji me bipirç, hin ji me bişewq in, hin ji me qunde, hin ji me gewende ne...maskeyên me curbecur in..."

Di bernameya hefteya rûmetê a îsal jî dê weke salên berê atolye, panel, forum û hin bernameyên cûr bi cûr cîh bigirin.

Xelatên LGBTİ+Fobi ya Frengîya bi Hormon dê 16em car bên belavkirin. Wê merasîma xelatê di saet 20.00ê înîya 26ê Hezîranê de pêk bê. (EMK/AY/FD)