Li Şirnexê 15 kes hatine girtin
Li Cizîrê ji 18 kesên ku di encama serdegirtinên malan de hatibûn desteserkirin 15 jê li ser îfadeyên "şahidê nepen” hatine girtin.
.jpeg)
Di 9ê Hezîranê de polîsan li taxên Cûdî û Nûrê yên navçeya Cizîra Şirnexê bi ser gelek malan de girtibûn û 18 kes desteser kiribûn.
Li gorî nûçeya Ajansa Mezopotamyayê ji 18 kesên ku îfadeyê wan duh li dozgeriyê hatine girtin Abîdîn Kuçuk, Halîme Sabar û keseke ku navê wî nehatiye zanîn bi şertê kontrola edlî serbest bûne. Rêveberê DBPa Cizîrê Remzî Dadak û welatiyên bi navên Îbrahîm Şahna, Nasir Şahna, Bezrîhan Dadak, Salih Bekiroglû, Sînan Dalmiş, Mehmet Çagdavul, Metîn Ecevît, Ridvan Şahna, Serkan Çagli, Rûken Acet, Melîke Duran, Muhlîs Dalmiş, Hasan Dadak û 2 kesên ku navên wan nehatine zanîn bi daxwaza girtinê şandine Dadgeriya Cezê û Aştiyê.
Her weha ji 18 kesî jê 15 kes li ser îfadeyên "şahide nepen” hatine girtin. (AY)