Li Konyayê balafira perwerdeyê ya leşkerî ket: Leşkerek mir
Balafira bi tîpa NF-5a ku ji bo perwerdê ji 3emîn Baregeha Jetan a Sereke ji bo perwerdê rabûye û di dema daketinê de têkçûye û ket xwarê. Pîlot bi peraşutê xwe avêt û xelas bûye. Her weha li şantiyeya ku balafir lê ket leşkerekî mir.
Li Konyayê balafira bi tîpa NF-5 ku ji bo perwerdê ji 3emîn Baregeha Jetan a Sereke saet di 12.51an de ji bo perwerdê rabû, dema dadiket ji ber sedemeke nediyar, kete xwarê. Pîlot beriya ku balafir bikeve bi peraşutê xwe avêt û xelas bû.
Gelek tîmên tenduristiyê û agirkujiyê sewqî cihê bûyerê hatin kirin. Pîlotê bi helîkopterê ji cihê lê hate wergirtin, rakirin nexweşxaneyê.
Waliyê Konyayê Vahdettîn Ozkan, da zanîn ku li şantiyeya ku balafir lê ket, leşkerekî ku maşîneya kar bikardianîn jiyana xwe ji dest daye.
Di sala 2022an de dîsa li Konyayê balafira perwerdeyê ketibû û pîlot bi heman awayî bi peraşutê xwe avêtibû û xelas bibû.
(AY)