Li girtîgehan nan biçûk kirine

Di dema pandemiyê de li girtîgehan xwarina sar û bêtam didin girtiyan, xwarin ne paqij in û girtî pê têr naxwin, li şûna goştî birincê û meqarneyê didin. Hejmara nanî kêm kirine û nanên biçûktir didin girtiyan.

Stenbol

Fotograf: AA

Ji bo nûçeya tirkî / ingilîzî bitikîne

Komeleya Civaka Sivîl a di Sîstema Înfazkirina Cezayan de (CISST), gilî û gazindên ku girtiyan di meha gulanê de ji ber pandemiyê li wan kirine, aşkere kirine.

Di daxuyaniyê de saziyê behsa pirsgirêkên tenduristiyê û bidestxistina kelûpelên hijyenê kiriye.

Komeleyê rapor ji wan zanyariyan berhev kiriye ku di navbera 1 û 31ê Gulana 2021an de pêk hatine û bêyî zanyariyên derbarê girtî û girtîgehan de aşkere bikin, weşandiye.

Ji roja ku şewb belav bûye heta niha 88 girtîgehên sergirtî û 49 girtîgehên servekirî li ser hev ji 137 girtîgehan girtiyan serî li wan daye.

Girtiyan neçarî kantînê dikin, kantîn biha difiroşe

Di daxuyaniyê de behsa van gilî û gazindên derbarê xwarinan de kirine

* Li hin girtîgehên sergirtî xwarin nexweş in, ne paqij in û sar in,

* Xwarin têra hemû girtiyan nakin,

* Ji ber van sedeman girtiyên ku nikarin xwarinên tên belavkirin bixwin, neçar dimînin ku ji kantînê kelûpelan bikirin,

* Hejmara nanên ku didin girtiyan kêm kirine û nan biçûktir bûne, her weha bêtahm in,

* Li girtîgehan êdî li şûna goştî birinc û meqarneyê didin,

* Gilî û gazindên xwe yên ji ber xwarinan li hemû saziyên fermî kirine lê ti tiştek nehatiye kirin,

* Tiştên li kantînê difiroşin him biha ne him jî zêde tişt nînin,

* Xwarinên parêzê nadin, li girtîgehên ku xwarinên parêzê didin, ne li gorî nexweşiyan lê yek cure xwarin didin,

(AS/FD)

girtîgeh covid-19 Vîrusa Koronaya Nû virusa koronaya nû covîd-19 CISTT koronavirûs Girtigeh koronavirüs vîrûsa koronaya nû kovid-19 kovîd-19 koronavirus vîrusa koronaya nu koronavîrus virusa koronaya nu virûsa koronaya nû