Jimara firotina kovar û rojnameyan ketiye
Ji bo nûçeya tirkî bitikîne
Rêxistina Statîstîkan ya Tirkiyeyê(TUIK) ji bo statîstîkên tîraja rojname û kovaran “ Statîstîkên Medyaya Nivîskî ” diyar kir. Di sala 2018an de tîraja kovar û rojnameya jî sedî 17,6 kêm bûye.
Li gor raveyên statîstîkên TUIKê hêjmara rojname û kovaran di sala 2018an de li gor sala 2017an ji sedî 2,6 kêm bûye û bûye 5 hezar û 962. Ji sedî 58,7ê berheman kovar in .
Tîrajên salane ên kovar û rojnameyan ji sedî 17,6 kêm bûye
Li gor sala 2017an di sala 2018an de tîrajên salane ên kovar û rojnameyan ji sedî 17,6 kêm bûye. Tîraja salane ya rojname û kovarên ku hatine weşandin di sala 2018an de milyarek û 368 milyon û 287 hezar û 463 bûye.
Ji sedî 94,2ê wê, tîraja rojnameyan e.
Ji sedî 91,3 yê rojnameyan weşanên herêmî kiriye
Li Tirkîyeyê rojname ji sedî 91,3 weşana herêmî, ji sedî 6,9ê wan neteweyî, ji sedî 1,8ê wan jî wek weşanên deverî tên çap kirin.
Kovarên ku tên çap kirin jî ji sedî 64,3yê wan netewî, ji sedî 31,4ê wan herêmî, ji sedî 4,3ê wan jî wek kovarên deverî ne.
Ji sedî 24ê kovaran, mehane hatine çap kirin
Ji sedî 29,6ê rojnameyan heftane ne.
Ji sedî 28,2ê wan heftê da 2 roj yan jî 6 roj hatine çap kirin.
Ji sedî 16,2ê wan jî wek rojnameyên mehane hatine çap kirin.
Ji sedî 24ê kovaran mehane hatine çap kirin, ji sedî 22,4ê wan ji 3 meha carek têne çap kirin.
Ji sedî 15,9ê wan jî 6 meha carek têne çap kirin.
Ji sedî 87,8ê rojnameyan weşana xwe ji sîyaset û bûyerên rojane pêk aniye
Tîraja salane ya rojnameyan ji sedî 87,1 hatiye diyar kirin. Ji van rojnameyan ji sedî 8,3ê yê wan navbera 2 roj û 6 roja de têne çap kirin. Ji sedî 2,3ê wan jî wek rojnameyên heftane têne çap kirin.
Rojnameyên ku hatine çap kirin di naverokên xwe de ji sedî 87,8a sîyaset, nûçe û weşanên rojane çêkiriye.
Kovarên ku hatine çap kirin jî di naveroka xwe de ji sedî 17,5ê wan wekî sektorî û pîşekarî, ji sedî 13,8ê wan akademîk û ji sedî 8,5ê wan jî ji bo perwerdehî û ezmûna hatine weşandin.
Buhayê reklam û îlanên fermî ji sedî 2,2 zêdetir bûye
Di sala 2018an de li gor daneyên Saziya Îlanê li Çapemenîyê buhayê îlanên fermî û yên reklaman ji sedî 2,2ê zêde bûye û bûye 454 milyon û 398 hezar lîra.
(HA/DD/MB)