Dozgerî dawxaz kiriye ku cezayê rojnamegeran bila zêdetir be

Ji bo nûçeya tirkî bitikîne

Serdozgerê Komarî yê Stenbolê di doza esasî ya rojnameya Ozgur Gundemê de li dijî biryara dadgehê derketiye û xwestiye cezayê rojnamegeran zêdetir bibe.

Dadgehê bi tohmeta ku “endamê rêxistinê ye” 6 sal û 3 meh cezayê girtîgehê dabû her yek ji Kemal Sancili, Xwediyê rojnameya Ozgur Gundemê, Înan Kizilkaya, Midûrê Karûbarên Nivîsan û Eren Keskîn, Berpirsa Giştî ya Weşanê ya Nobedar û sal û 13 meh cezayê girtîgehê dabû Zana Kaya, Berpirsê Weşanê yê Giştî.

Serdozgerî gotiye ku cezayên dadgehê li wan biriye hindik e û bila ji her sûcên di îdianameyê de xwestiye werin cezakirin.

Serdozgerî Komarî yê Stenbolê her weha diyar kiriye ku ew ê li dijî biryara dadgehê ew ê serî li dadgeha îstînafê bide.

Çi bûbû?

Piştî 24ê Tîrmeha 2015ê pevçûnan dest pê kir, gelek doz li Ozgûr Gûndemê hatin vekirin. Li hemberî zordariyan Ozgûr Gûndemê Kampanyaya Nobedariya Berpirsiyariya Weşanê da dest pê kirin.

Doza ''propagandaya rêxistina terorî'' li wan kesên ku ji bo rojekê bûbûn berpirsên weşanê, hat vekirin.

Nobedarên Weşana Ozgûr Gûndemê, 38 rojnameger bi sûcên "propagandaya ji bo rêxistina terorî" û "çapkirin û belavkirina bang û daxuyaniyên rêxistinên terorî bi Xala 6. a Qanûna li Dijî Terorê ya 3713ê têne dadkirin.

Navê rojnamegeran: A. Kumru Başer, Ahmet Nesin, Ayşe Batumlu, Ayşe Düzkan, Beyza Üstün, Can Dündar, Celal Başlangıç, Celalettin Can, Cengiz Baysoy, Çilem Küçükkkeleş, Derya Okatan, Dicle Anter, Erol Önderoğlu, Ertuğrul Mavioğlu, Faruk Balıkçı, Faruk Eren, Fehim Işık, Hüseyin Tahmaz, Hakkı Boltan, Hasan Cemal, Hasan Hayri Şanlı, İbrahim Bodur, İhsan Çaralan, Julide Kural, M. Ali Çelebi, Murat Çelikkan, Murat Uyurkulak, Nadire Mater, Necmiye Alpay, Nevin Erdemir, Öncü Akgül, Ragıp Duran, Said Sefa, Şanar Yurdatapan, Şebnem Korur Fincancı, Tuğrul Eryılmaz, Veysi Altay, Yıldırım Türker.

Sê kesên beşdariya kampanyayê kiribûn; berpirsê Tirkiyeyê yê Rojnamegerên Sînornenas, Erol Onderoglû, seroka Weqfa Mafên Mirovan a Tirkiyeyê, Şebnem Korûr Fîncanci û nivîskar Ahmet Nesîn ji bo demekê hatin girtin.

Di 16ê Tebaxê de Dadgeha Cezayên Sûlhê ya 8. biryara girtina Ozgûr Gûndemê da.

Di 19ê Tebaxê de, Asli erdogan a nivîskara Ozgûr Gûndemê û endama Lijneya Şêwirmendên Weşanê hat girtin.

Di 22yê Tebaxê de Zana Kayayê berpirsê weşana Ozgûr Gûndemê û berpirsê naveroka nivîsan Inan Kizilkaya hatin girtin.

Di 31ê Tebaxê de, endama Lijneya Weşanê ya Ozgûr Gûndemê, Necmîye Alpaya nivîskar û zimanzan hat girtin.

Derbarê 50 rojnamegerên Nobedarên Weşanê de lêpirsîn dan destpêkirin û derbarê 39 rojnamegeran de jî doz hat vekirin.

Di 29ê Kanûna 2016an de Asli Erdogan û Necmiye Alpay serbest hatin berdan.

(HA/FD)