Dadgeha Destûrî serlêdana HDPê qebûl nekiriye
Ji bo nûçeya tirkî / ingilîzî bitikîne
Dadgeha Destûra Bingehîn daxwaza taloqkirina nîqaşa doza girtina Partiya Demokratîk a Gelan(HDP) ya ji bo piştî hilbijartinê qebûl nekiriye. HDP di roja Sêşema 14ê Adarê de wê parastina xwe bike.
HDPê herwiha têkildarî blokekirina alîkariyên darayî yên bo xwe jî daxwaz kiribû ku li dijî wê biryarê dadgeha destprî derfeteke zêdetir bide, ku ji 2 mehan kêmtir nebe.
Li gorî biryarê HDP dê di 14ê Adarê de parastina xwe ya devkî bike.
Pêvajoya biryarê
Şahîn nêrîna xwe ya derbarê esasê de wê pêşkeşî Dadgeha Destûrî bike. Piştî vê pêvajoyê rapora ku derbarê esasê de ku raportorê Dadgeha Destûrî wê amade bike, wê li endamên dadgehê were belavkirin.
Piştî wê dê demek bê destnîşankirin û doz li Dadgeha Destûrê bê dîtin. Di dozê de Serdozgerê Dadgeha Bilind Bekir Şahin dê parastina îdianamayê bike û berpirsên HDPê jî bi devkî parastinê bikin. Piştî parastinê raportorê Dadgeha Destûrê, li gor belgeyan dê rapora xwe amade bike û pêşkêşî 15 endamên Dadgeha Destûrê bike.
Dê roja ku ji aliyê Serokê Dadgeha Destûra Bingehîn Zuhtû Arslan ve hatiye diyarkirin, wê endamên dadgehê bên gel hev û li ser esasa dosyeyê dest bi nîqaşkirina daxwaza girtinê bikin. Heyeta Dadgeha Destûra Bingehîn a ku ji 15 endaman pêk hatiye, biryara girtinê wê li gorî ji 3yan 2 dengên erê bide.
Heke 15 endaman 10 jê bibêjin bila partî bê girtin ev biryar dê bigîhîje destê Serdozgeriya Komarî ya Dadgeha Bilind û paşê di Rojnameya Fermî de bê weşandin.
Çi bûbû?
Dadgeha Bilind di 2ê Adara 2021an de derbarê Partiya Demokratîk a Gelan(HDP) de lêkolîn dabû destpêkirin.
Piştre Bekîr Şahîn, Serdozgerê Komarî yê Dadgeha Bilind di 17ê Adara 2021an de bi daxwaza girtina HDPê di Dadgeha Destûrî de doz vekiribû. Dadgeha Destûrî di 31ê Adara 2021an de îddaname qebûl nekiribû û bi şûn ve şandibû Serdozgeriya Komarî ya Dadgeha Bilind.
Bekîr Şahîn, Serdozgerê Komarî yê Dadgeha Bilind di 1ê Hezîranê de tevlî bernameya televizyona Haber Globalê bûbû û li ser pirsa îddanameya ku ji bo girtina HDPê hatibû amadekirin ya ji aliye dadgeha destûri ve nehatibû qebûlkirin, gotibû. “Em îddanameyê ji nû ve amade dikin.”(HA/AY)