UNICEF: Di neh mehên destpêkê de her roj 9 zarok hatine kuştin

Ji bo nûçeya tirkî bitikîne

UNICEFê daye zanîn ku sala 2019ê binpêkirina mafên zarokan sê qetan zêdetir bûye. Saziyê eşkere kiribû ku di sala 2018ê de zêdetirî 12 hezaran zarok hatibûn kuştin.

Rewş di sala 2019ê de xerabtir bûye.

• Meha yekem: Li Bakurê Sûriyeyê ji ber koçberî, tûndkarî û sermayê 32 zarok mirine.
• Meha duyem li Komara Kongoyê êrîş li navenda dermankirinê ya Ebolayê bûye û salekê dom kiriye.
• Meha sêyem: Li Malîyê êrîşeka çekdarî hatiye kirin. Zêdetirî 150 kesan hatine kuştin. 85 ji wan zarok bûne.
• Meha Çarem: Li bajarê Sanayê yê Yemenê li rexa dibistanekê bombeyek teqiyaye, 14 zarok mirine 16 zarok birîndar bûne.
• Meha pêncem: 28 hezar zarok li Bakurê Sûriyeyê asê mane. UNICEFê bangî welatan kiribû ku bila ew hemwelatîyên xwe û zarokên ji wan bibe welatên xwe.
• Meha şeşem: Li Konduga û Bornoya Nijeryayê êrîşên bi bombeyan hatibû kirin. Bombe bi laşê sê zarokan ve hatibûn girêdan û hatibûn teqandin. Di xwenîşandanên li Sûdanê de 19 zarok hatine kuştin û ya kêm 49 zarok jî birîndar bûne.
• Meha heftem: L Başûrê Sudanê komên çekdar 32 zarok serbest kirine lê li gor raporên UNICEFê hê jî zarok ji bo karên çekdarî têne bikarînan.
• Meha heştem: Li rojavayê Bakurê Sûriyeyê bi êrîşên çekdarî 44 sivîl hatine kuştin. 16 ji sivîlan jin û 14 jî zarok bûne.
• Meha nehem: Li Yemenê 2 milyon zarokan nekarine biçin dibistanê.
• Meha dehem: Li rojhilatê Bakurê Sûriyeyê di pevçûnan de 5 zarok hatine kuştin, 26 zarok birîndar bûne. Di 9 mehên destpêkê de li Sûriyeyê 657 zarok hatine kuştin.
• Meha yazdehem: UNICEFê daxuyandiye ku li Kamerûnê 850 hezar zarokan nekarine biçin dibistanan.
• Meha dazdehem: Li Burkîna Fasoyê sê zarok bi çekên gulexwer hatine kuştin. Nêzîkî nîv milyon zarokan ji şerê li Ukraynayê zerer dîtiye. Di neh mehên destpêka sala 2019ê de her roj nêzîkî 9 zarokan hatine kuştin.
• (AÖ/MB)