Qedexeyên roja hilbijartinê diyar bûne

Ji bo nûçeya tirkî / ingilîzî bitikîne

Lijneya Bilind a Hilbijartinan (YSK) qedexeyên roja hilbijartina herêmî ya 31ê Adarê di Rojnameya Fermî de weşandiye.

Vexwarinên bi alkol qedexe ne

Li gorî vê daxuyaniyê, 31ê Adarê roja yekşemê, saet ji 06.00ê heta 24.00ê vexwarin û firotina her cure vexwarinên bi alkol wê qedexe be.

Cafe û qehwexane wê girtî bin

Di dema dengdanê de, hemû qahwexwane, cafeyên înternetê û yên weke wan girtî bin, li xwaringehên ku bernameyên şahiyê jî lê çêdibin, tenê wê xwarin bê dayîn.

Dawet piştî saet 18.00ê wê bên lidarxistin

Roja dengdanê, tenê piştî saet 18.00ê wê destûra dawetan bê dayîn ku divê ew jî li gorî rêzikên hilbijartinê be.

Hilgirtina çekan wê qedexe be

Ji bilî endamên asayişê hilgirtina çekan li gund, bajarok û bajaran qedexe ye.

Nûçe û şîrove wê qedexe bin

Roja hilbijartinê heta saet 18.00ê, belavkirina nûçeyan, şîrovekirina di her cure dezgehên medyayê de wê qedexe be.

Hemû dezgehên medyayê tenê wê bikaribin ew nûçe û belavokên ku YSK dê belav bikin, di navbera 18.00ê û 21.00ê de bi weşînin.

Qedexeya li ser weşanê wê saet 21.00ê rabe

Qedexeya li ser weşanê wê saet 21.00ê biqede û heke YSK hewce bibîne dibe beriya saet 21.00ê jî ev qedexe bê rakirin. (HK/FD)