Polîsan zarokê 12 salî kelepçe kiriye

Ji bo nûçeya tirkî / ingilîzî bitikîne

Li Enqereyê dema komek welatîyan wezîfedarkirina qeyûman protesto kiriye, polîsan 17 kes desteser kirine. Polîsan zarokekê 12 salî li erdê dirêj kiriye û ji piştê ve kelepçe kiriye.

Zarokê bi navê B.A. digel xwenîşanderan rûniştiye. Polîsan piştî ew li erdê dirêj kirî pêl pişta wî jî kiriye. Serokê Komeleya Hiqûqnasên Hevdem, Murat Yilmazî li ser hesabê xwe yê Twitterê eşkere kiribû ku:

“Li gor Qanûna Parastina Mafên Zarokan a 5375. çênabe zarok bi zincîr, kelepçe an jî tişteka wek wan bêne girêdan.”

Ew kesên desteserkirî piştî rojekê li navenda polîsan mayîn serbest bûne.

(AO/MB)