Polîsan rojnameger Canozer û Nezahat Teke, Dayika Aştiyê desteser kirine

Fotograf: Jinnews

Ji bo nûçeya tirkî / ingilîzî bitikîne

Polîsan li navçeya Baglarê ya Amedê bi ser mala Berîtan Canozer, nûçegîhana Jinnewsê girtiye. Polîsan di dema serdegirtinê de kelûpelên li malê bela kirine û dest danîne ser gelek pirtûk û materyalên dijîtal. Her weha polîsan Canozer desteser kiriye.

Li gorî nûçeya Jinnewsê sedema desteserkirina Canozerê nehatiye zanîn û ew birine Midûriyeta Emniyetê ya Amedê.

Canozer di Kanûna Pêşiyê ya 2015ê de dema nûçe dişopand li Amedê polîsan ew desteser kiribû. Canozer çar rojan deseserkirî mabû. Polîsan gotibû “ji ber ku bi kelecan e” ew desteser kirine.

Dadgehê Canozer di 19ê Kanûna Pêşiyê de, bi sedema notên wê yên nûçeyan û mesajên wê yên li ser medyaya civakî, girtibû.

Dozgerî di îdianameyê de Canozer bi “propagandaya rêxistinê” û “endamtiya rêxistinê” tohmet kiribû. îdia kiribû ku Canozerê di wê çalakiyê de pêşekî ji girseyê re kiriye ku tê de hatibû desteserkirin û “nasnameya xwe ya rojnamegeriyê bikar aniye û propagandaya rêxistinê kiriye.”

Canozer di 13ê Adarê de ji Girtîgeha Tîpa Eyê ya Amedê biribûn Girtîgeha Jinan A Bakirkoyê. Cara pêşiyê di 29ê Adara 2016ê de ew derxistibûn dadgehê û ew tehliye kiribûn. Xelata Taybet a Juriyê ya Xelatên Rojnamegeriyê yên Metîn Goktepeyî ya 19ê dabûn Canozerê.

Polîsan bi ser Komeleya Rosayê girtine

Li gorî nûçeya Ajansa Mezopotamyayê polîsan bi ser Komeleya Jinan a Rosayê û gelek malan de girtine. Gelek kes desteser kirine ku yek ji wan Nezahat Teke, Dayika Aştiyê ye.

Her wiha heta niha aktivîsta Tevgera Jinên Azad (TJA) Zelal Bîlgîn, Hevşaredara Çinarê Necla Tamrîş, Endama Lijneya Rêveberiya Navendî (MYK) ya Partiya Herêmên Demokratîk (DBP) Zeynep Uren, Hevseroka DBPyê ya Amedê Seval Gulmez, şêwirmenda parlementera Partiya Demokratîk a Gelan (HDP) a Amedê Remziye Tosun Gurbet Ozel, endama Akademiya Jinan a Amedê Fîgen Aras, Hevseroka berê ya Peyasê ya HDPyê Besîle Narîn, Sekretera Jinan a berê ya Şaxa Sendîkaya BTSyê Bahar Karakaş Ulûg, Sevîm Bîçîcî, Nûrşen Akbal, Satiye Ok, Ruken Bekalp û Şehrîban Zogûrlî jî di nav de gelek jin desteser bûne.

Komeleya Rosayê li ser hesabê xwe yê Twitterê bertek nîşanî desteserkirinan daye û wiha gotiye: "Di 22'yê Gulana 2020an de, bi ser komeleya me de girtibûn, gelek hevalên me desteser kiribûn û dûre jî ew girtibûn. Hevalên me di danişînên xwe de gotibûn ku ew li vê derêne û ew ê dest ji têkoşîna xwe bernedin. Piştre hemû serbest bûbûn. Îro piştî 11 mehan, dîsa bi ser komeleya me de girtin. Bi awayekê bêhiqûqî derî şikandin, pergala zengê jê kirin û bêyî ku agahiyê bidin rêvebereke me dest bi lêgerînê kirin. Ev darazeke birêk û pêk e. Em vê tacîza darazê qebûl nakin. Li dijî polîtîkayên teslîmgirtin û nefretê yên ku desthilatdarî li dijî jinan bi rêve dibe, em dibêjin, EM HEBÛN, EM HENE, EM Ê HEBIN!"

(EMK/FD)

Polîsan rojnameger Canozer û Nezahat Teke, Dayika Aştiyê desteser kirine

Stenbol

Polîsan bi ser Komeleya Rosayê girtine