Polîsan midaxeleyî komên ku xwestin biçin Taksîmê kir: Gelek kes hatin desteserkirin

Rêxistinên ked û pîşeyî îsal jî xwestin ku 1ê Gulanê Cejna Karkeran li Meydana Taksîma Stenbolê were pîrozkirin.

Lêbelê Walîtiya Stenbolê îsal jî pîrozkirina 1ê Gulanê Cejna Karkeran li Taksîmê qedexe kir.

Endamên Yekîtiya Têkoşînê û Federasyona Komeleyên Ciwanên Sosyalîst ji bo biçin Meydana Taksîmê saet di 8.30an de li kûçeyên derdora Taksîmê dest bi meşê kirin.

Endamên Federasyona Komeleyên Ciwanên Sosyalîst ên ku ji Dolapdereyê berbi Taksîmê dest bi meşê kirin ji aliyê polîsan ve hatin derbkirin û desteserkirin.

2 xwenerên Yekitiya Têkoşînê û Nûçegihana Yekitiya Têkoşînê Serpîl Unal dema bi dirûşmeyên “Qada 1ê Gulanê, Qada Taksîmê ye” û “Bijî Yek Gulan” berbi Taksîmê dimeşiyan, polîsan destên wan ji piştê ve kelemçe kirin û ew desteserkirin.

Endamên Komîteyên Ciwanan ên ku bi pankarta "Dengê ciwanan di şerê li dijî pergalê de tu astengiyan nas nake" ji Kolana Misê berbi Kolana Îstîklalê dimeşiyan jî ji aliyê polîsan ve hatin derbkirin û desteserkirin.

Endamên Partiya Rizgariya Gel ên ku xwestin ji Bulvara Barbaros a Beşîktaşê berbi Taksîmê bimeşin jî rastî lêdanê hatin û hatin desteserkirin.

İstanbul #1Mayıs | "1 Mayıs alanı Taksim Meydanı” ve “Biji Yek Gulan” sloganlarıyla Taksim'e yürüyen Mücadele Birliği okuru iki kişi ile Mücadele Birliği muhabiri Serpil Ünal ters kelepçe takılarak gözaltına alındı.

📹 Video: @mucadelebirlig3 pic.twitter.com/mjObMCnuCT

— bianet (@bianet_org) May 1, 2024

İstanbul #1Mayıs | Dolapdere’den Taksim’e yürüyen Sosyalist Gençlik Dernekleri Federasyonu’ndan gençler, polis tarafından darp edilerek gözaltına alındı.

📹 Video: @sgdfiletisim_ pic.twitter.com/6wnFrYLpg0

— bianet (@bianet_org) May 1, 2024

(AÖ/AY)