Osman Kavala 4 sal in girtiye

Ji bo nûçeya tirkî / îngilîzî bitikîne

Osman Kavalayê ku 1463 roj in di Girtîgeha Silîvriyê ye de girtiye peyamek belav kiriye. Kavala diyar kiriye ku ji duh pê ve 4 salê wî yê li girtîgehê temam bûye.

Peyama Kavalayî weha ye:

“Roja Duşemê sala min a çaremîn li Girtîgeha Silivriyê temam bû. Di nava vê demê de ne tenê ji ber ku li girtîgehê bûm, min derfeta jiyana xwe ya jiyanê winda nekir, rastiya min jî ji ber ku hedef hatim girtin û hewldan min weke şexsekî 'tarî' û 'nebaş'  di nava raya giştî de nîşan bidin, hat xerakirin.”

“Piştî ku ji jiyana min çar çû tişta ku dê ez teselliyê jê bigirim ew e, dibe ku tiştên ez pê re rûbirû mabim tevkariyê li rûbirûmayîna bi pirsgirêkên li dadgeriyê re bike û yên piştî min ê ku derkevin pêşberî dadgehê wê bi awayekî adîltir miemeleyê bibînin.”

Çi bûbû?

Osman Kavalayî di 8ê Hezîrana 2018an de bi rêya parêzerên xwe serî li DMMEyê dabû û gotibû biryara girtina wî ya demkî li dijî Xala 5em a PMMEyê ye ku derbarê mafê jiyan û azadiyê de ye. Kavalayî her weha diyar kiribû ku biryara girtina wî ji ber sedemên siyasî ne.

Di Doza Geziyê de ji bilî Osman Kavala, Serokê, Lijneya Rêveber a Anadolu Kulturê 15 kesên din tên dadgehkirin. Tenê Kavala girtî ye. Dadgehkirinê di 24ê Hezîrana 2019an de destpê kiribû. Kavala di vê dozê de beraet kiribû lê piştî wê dozeke din bi tohmeta ku "sîxurtiya leşkeri yan jî siyasî kiriye" careke din hatibû girtin. Hîna li Girtîgeha Sîlîvriyê tê girtin.

Derbarê Osman Kavalayî de

Di sala 1957an de li Parîsê ji dayik bûye. Beşa Ekonomiyê ya Zanîngeha Manchesterê qedandiye. Di sala 1982ê de weke rêveber li Kavala Grûbê dest bi kar kiriye.

Tevlî Mûrat Belgeyî Weşanxaneya Îletîşîmê ava kiriye ku yek ji weşanxaneyên sereke yên Tirkiyeyê ye. (EMK/FD)

Weke endam din ava Konseya Karî ya Tirk-Polonan de, Konseya Karî ya Tirk-Yewnanan, Center For Democracy in Southeast Europe (Navenda Demokrasiyê ya li Rojhilatê Başurê Ewropayê) û hin dezgehên karî û civakî sivîl de kar kiriye.

Endamê Lijneya Rêveber ê TESEVê, endamê Lijneya Şêweber ê Enstîtuya Civaka Vekirî, endamê Komeleya Welatiyan a Helsînkiyê, piştevanê Tarih Vakfi û Diyarbakir Kultereviyê ye. 

(AY)