NûJINHAyê dest bi weşanê kiriye
Ajansa NûJINHA yê dest bi weşanê kiriye. Ajansê di 6ê Kanûna Paşiyê de li ser malpera xwe aşkere kiriye ku wan dest bi weşanê kiriye û ew ê weşana xwe bi 5 ziman û du zaravayan bikin.
Li gorî vê daxuyaniya ajansê, xebata NûJINHAyê wê bi alîkariya Weqfa Çandê ya Çapemeniya Jinan ku navenda wê li Swêdê ye, pêk were.
Ajansê armancên xwe bi van gotinan diyar kiriye: “Li hemberî hişmendiya deshilatdariya mêran ku derbarê bedena jinan de, heta asta ku wê çi li ber bike, çawa bipeyve, divê çend zarokan bîne dinê, zarok ji ber xwe bibe an na yanî kurtaj ku “aqil” dide jinan û ew li gorî xwe ava dike, em xeteke weşangerî dikin da ku zimanekî gerdûnî yên jinan ava bikin.”
Daxuyaniya ajansê ya derbarê armanc û naveroka wan de wiha ye:
Beşek ji daxuyaniya ajansê jiha ye:
“Di vê qonaxa heyî de, em komek jinên rojnameger ên li Rojhilata Navîn dijîn, ji bo avakirina zimanê nûçegihaniyeke ji zayentperestiyê pakbûyî, ev demeke dirêje em nîqaş dikin.
“Di encama nîqaş û guftugoyên me de, him derbarê sud wergirtina ji ceribandinên medyaya jinan de û him jî derbarê mijara ku em li ser esasê vê mîrasê dikarin zimanekî çawa ava bikin de, me qonaxek diyarker li pey xwe hêşt.
“Li hemberî hişmendiya deshilatdariya mêran ku derbarê bedena jinan de, heta asta ku wê çi li ber bike, çawa bipeyve, dive çend zarok bîne dinê, zarok ji ber xwe bibe an na yanî kurtaj ku “aqil” dide jinan û ew li gorî xwe ava dike, em xeteke weşangerî dikin da ku zimanekî gerdûnî yên jinan ava bikin.
"Dema ku em vê dikin jî ne ku weke heta niha tiştek nehatiye kirin û em ji sifirê destpê dikin na, ji wan ceribandinên ku li ser ev erdnîgariya ku em lê dijîn, li ber çavan digrin û plan dikin bê li ser vî bingehî xeteke weşangeriya jinê pêş bixin.
“Weke tê zanîn Ajansa Nûçeyan a Jinê (JINHA) ku di sala 2012’an de li Amedê dest bi weşanê kir û di mijara nûçegihaniya jinê de ta astekê hat, paşê bi destê dewleta Tirkiyê ve hat girtin.
“Girtina vê ajansa ku di aliyê nûçegihaniya jinê de xwedî giringiyeke mezin bû, hewla bêdeng kirina medyaya feminist bû.
“JINHA her çend ji aliyê jinên kurd ve hatibe avakirin jî, ew mîrasa hevbeş a jinên ji hemû bawerî û gelên cuda yên li ser vê erdnîgariyê dijîn bû.
“Bi vê hişmendiyê, dema ku me amadekariya weşaneke din dikir, ji bo xwedîderketina li vê mîrasê me navê xwe weke NuJINHA diyar kir.
“Ji bo NuJINHA bi qasî salekêye me amadekariyên xwe berdewam kir. Her wiha bi boneya avakirina zimanê gerdunî yê jinan wê amadekariyên me bidomin.
“NuJINHA ku wê bi zimanên Erebî, Kurdî, Farisî, Tirkî û Înglîzî weşanê bike, ji Qahîre ta Stenbol, ji Tehran û Qabûl ta Beyrut û Şam, ji Qamişlo û Sana heta Bexda û Rebat ê, wê sînoran derbas bike, bajar bajar dîroka jinan, jiyan û pêşeroja wan bike mijar û weşangeriyeke li ser vê bingehê wê ji bo xwe esas bigre.
“Me bi xebateke hevbeş a bi Weqfa Çanda Çapemeniya Jinê ku navenda wê li Swêd e, biryara lidarxistina vê weşanê girtiye. Em dixwazin bi weşana xwe li hember ‘bênûneriya’ jinê ya di qada medyayê de nûneriyek nû pêşbixin û bibin dengê hemû jinan.
“Dê NuJINHA rêwîtiya xwe bi wan kesên ku li derdora azadî û şînahiya ezmanan kom dibin re berdewam bike. Wê bê cudakariya di navbera ziman, bawerî û rengan de, wê bibe dengê ‘netewa jinê’ û vê bidomîne.
Ji logoya xwe heta kategoriyên sîteyê û formata nûçeyên xwe, bi şêwaza hevsengiya jin-mêr, mirov-xweza, gel, civak û çînan li gorî jiyanek azad e. Perspektîfa jiyana hevseng û azad ku wê bi pêşengtiya jinê pêk were di xebata xwe de dihewîne.
“Her çend em neçarî hilbijartina rengekê hatibin kirin jî, em bi hişmendiya ku hemû reng ên jinan in û jin dikarin xwe di hemû rengan de ava bikin, tevgeriyan. Me xwest bi vê rengîniyê çîrokên jinan, portre, kêfxweşî, xemgînî, trajedî, deng û serkeftinên jinan bidin dîtin.
“Em bi vê xeyala xwe û bi wan jinên ku hevrêne ji bo vê xeyalê, dest bi rêwîtiyeke nû dikin.” (FD)