Mûsa O. yê ku bûbû sedema xwekuştina İpek E. yê serbest maye

Ji bo nûçeya tirkî / ingilîzî bitikîne

Mûsa O., çawişê pisporê ku li Qubînê, navçeya Êlihê tecawiz li İpek E.ya 18 salî kiribû û bûbû sedema xwekuştina wê, piştî girtina wî bi hefteyekê serbest maye.

Dadgehê duh (25ê Tebaxa 2020an) biryara tehliyekirina Mûsa O.yî daye û ew duh di saetên êvarê de ji girtîgehê derketiye.

Biryara zeftkirina wî hatibû dayîn

Hefteya borî biryara zeftkirina Mûsa O.yî hatibû dayîn. Piştî biryara zeftkirina wî Mûsa O. xwe radest kiribû û ew xistibûn girtîgehê.

Parêzerê Mûsa O.yî îtiraz kiriye

Li gorî nûçeya ku rojnameya Hurriyetê weşandiye, Dr. Mehmet Erkan Akkûş, parêzerê Mûsa O.yî li dijî biryara girtina wî serî li dadgehê daye û gotiye ku guman nîne miwekîlê wî bireve.

2yem Dadgeha Cezayê Giran a Sêrtê ev daxwaz nirxandiye û biryara tehliyeyê daye.

Çi bûbû?

Li navçeya Qubînê ya Êlihê, Î. E.ya 18 salî ya di 16ê Tîrmeha 2020an de hewl dabû xwe bikuje. Î. E. yê paşê aşkere kiribû ku Mûsa O. çawişê pispor tecawiz li wê kiriye. Î. E. ya ku li nexweşxaneyê dihate dermankirin, îro can daye.

Î. E. piştî ku xwestibû xwe bikuje û ew li nexweşxaneyê dihate dermankirin, malbata wê nameya wê dîtibû. Î. E. yê di nameya xwe de gotibû ku çawişê pispor Mûsa O.yî tecawiz lê kiriye.

Malbata Î. E. yê giliyê çawişê pispor kiribû û Mûsa O. heman rojê hatibû desteserkirin. Çawişê pispor di îfadeya xwe de ew tohmet qebûl nekiribûn.

Li gorî nûçeya Ajansa Mezopotamyayê Rapora Tipa Edlî aşkere kiribû ku Mûsa O. yî tecawizî Î. E. yê kiriye. Di encama vê rewşê de Mûsa O. yî îdia kiribû ku dema ew û Î. E. li Sêrtê hatine ba hev ew serxweş bûye.

Biryara “nepenîtiyê” ji bo dosyaya lêpirsînê hatibû dayîn. Çawişê pispor bi tohmeta ku “istismara zayendî ya xurt” kiriye şandibûn ber destê heyeda Dadweriya Silh û Cezayan a Nobedar a Sêrtê lê li vir bi şertê kontrola edlî serbest bûbû.

Malbata Î. E. yê ji bo alîkariya hiqûqî serî li Komeleya Mafên Mirovan a Êlihê dabûn.(EMK/FD)