"Mafê azadiya xweîfadekirinê ya Demîrtaşî hatiye binpêkirin"

Ji bo nûçeya tirkî / ingilîzî bitikîne

Dadgehê îro biryar daye. Dadgehê gotiye ku mafê azadiya xweîfadekirinê ya Selahattîn Demîrtaş, Hevserokê kevin ê Partiya Demokratîk a Gelan (HDP) hatiye binpêkirin. DMMEyê biryara xwe li gorî Xala 10em a Peymana Mafên Mirovan a Ewropayê (PMME) daye.

Li gorî vê biryarê wê 2 hezar û 500 Euro tezmînata manewî, 1000 Euro jî ji bo mesrefa dadgehê bidin Demîrtaşê.

Ji ber axavtinekê ceza lê hatibû birîn

Serdozgeriya Komarî ya Amedê, ji ber axavtina Demîrtaşî ya 20ê Kanûna Pêşiyê ya 2005an di kanaleke televizyonekê de kiribû, îdianame amade kiribû. Dozgerî îdia kiribû ku Demîrtaşî “propagandaya rêxistinê kiriye”.

Demîrtaş wê demê Serokê Komeleya Mafên Mirovan (İHD) ê Amedê û Berdevkê Platforma Demokratîk a Amedê bûye.

28ê Îlona 2010an, 5em Dadgeha Cezayê Giran a Amedê 10 meh cezayê girtinê li Demîrtaşî birî bû, lê cezayê wî hatibû taloqkirin.

Dadgeha Bilind jî ev biryar pesend kiribû. Demîrtaşî serî li DMMEyê dabû. (AS/FD)