Li Wanê mînîbusek di bin aşûtê de maye: 5 kes mirine

* Fotograf: Özkan Bilgin - Van / AA

Ji bo nûçeya tirkî / ingilîzî bitikîne

Li Gêdûka Karabetî ya li ser rêya Wan û Miksê, wesayitek karî û mînîbusek rêwiya di bin aşûtê de mane. 

 Waliyê Wanê û Qeyûmê Şaredariya Bajarê Mezin Mehmet Emîn Bîlmezî got, "Vê gavê 5 welatiyên me wefat kirine, tevî operator 7 birîndarên me yên ku sax hatin xelaskirin hene. Dibe ku 2 kesên din di binê şepê da mabin. Li herêmê xebat dewam dikin."

Bîlmezî diyar kir ku berf û pûk hê jî dibare û xetereya aşûtên nû berdewam dike. 

Bi derfetên xwe ji bin berfê derketiye

Bahattîn Karagulle, operatorê wesayîta karî bi derfetên xwe ji bin berfê derketiye û rayedar agahdar kiriye. Karagulleyî gotiye ku mînîbus di bin berfê de maye. 

Li ser vê agahiyê ekîbên AFAD, UMKE û hêzên hawarçûnê şandine herêmê.  

Bîlmezî destnîşan kiriye ku 200 kes xebatên lêgerîn û rizgarkirinê dimeşînin. (EKN/TP/FD)