Li Wanê bi pileya 5.4ê erd hejiyaye

Fotograf: Ajansa Mezopotamya

Ji bo nûçeya tirkî / ingilîzî bitikîne

Li Wanê bi pileya 5.4ê erd hejiyaye. Erdhej saet di 13.03 deqîqeyan de li navçeya Qelqeliyê pêk hatiye.

Erdhejê bandora xwe li Colemêrg û Bedlîsê jî kiriye. Li gundê Elaçmazê yê navçeya Payîzavayê gelek mal û axur rûxiyane.

Li gorî nûçeya ku di Ajansa Anadolûyê de hatiye weşandin, Mehmet Emin Bilmez, Waliyê Wanê gotiye, piştî erdejê wan dest bi xebatan kiriye.

Bîlmezî diyar kiriye ku li gel navçeyê li gundan jî ew lêgerînê dikin. Li gorî daxuyaniya Waliyî li 15 taxên Qelqelî, Payîzava û Serayê hin xanî ziyan dîtine, 5 kes jî bisivkayî birîndar bûne.

Suleyman Soylû, Wezîrê Karûbarên Navxweyî jî li ser hesabê xwe yê Twitterê nivîsiye ku xebatên lêgerînê lig undan berdewam dikin. (FD)