Li Wanê aşût bi ser tîmên rizgarkirinê û welatiyan de hatiye: 26 kes mirine

Fotograf: AA

Ji bo nûçeya tirkî / ingilîzî bitikîne

Waliyê Wanê û Qeyûmê Şaredariya Bajarê Mezin, Mehmet Emin Bilmezî eşkere kiriye ku di aşûta duyemîn a li Miksê da 26 kes mirine.

Bilmez di daxuyaniya xwe da wiha gotiye, "Di şepeya duyemîn da cendirme, gundparêz, agirkuj û sivîl bi tevahî 26 welatiyên me mixabin jiyana xwe ji dest dan."

Walî Bilmez her wiha diyar kir ku xebatên lêgerîn û rizgarkirinê dewam dikin û hejmara rasteqîn a kesên di bin şepeyê da mane jî vêga nayê piştrastkirin.

Ji bo rizgarkirina kesên di bin aşûtê de mane kar dikirin

Li Gêdûka Karabetî ya li ser rêya Wan û Miksê, duh bi şev wesayitek karî û mînîbusek rêwiya di bin aşûtê de mabûn. 

Waliyê Wanê û Qeyûmê Şaredariya Bajarê Mezin Mehmet Emîn Bîlmezî gotibû, "Vê gavê 5 welatiyên me wefat kirine, tevî operator 7 birîndarên me yên ku sax hatin xelaskirin hene. Dibe ku 2 kesên din di binê şepê da mabin. Li herêmê xebat dewam dikin."

Midûrê AFADâ Wanê Osman Uçar, serşêwirmenda Erdoganî û parlamentera berê ya Wanê Gulşen Orhan û Hevşaredarê berê yê Miksê yê HDPyî Galîp Yakût jî di bin aşûtê de mane lê hatine rizgarkirin û ew birine nexweşxaneyê. 

Di encama aşûta duyemîn de hejmara miriyan derketiye 31ê. (TP/FD)