Li Meletiyê bi pileya 4,3an erd hejiya

Îro di saet 12.54an de li taxa Yeşîlyurt a Meletiyê bi pileya 4,3an erdhejek pêk hat.

Li gor agahiya ku li ser malpera Serokatiya Rêvebiriya Karesaratan û Rewşa Lezgîn (AFAD) hatiye weşandin, erdhej 14,27 kîlometre di bin erdê de çêbûye.

Piştî 6ê Sibatê Meletî

Li gor daneyên fermî piştî erdhejên 6ê Sibata 2023an li Meletiyê 1237 kes mirin û 6444 kes jî birîndar bûn. Li bajêr yek ji cihên ku herî zêde zirar dîtiye navçeya Navendî ya Battalgaziyê ye û ya din jî Taxa Yesîlyurtê ye ku sîteyên luks lê hene.

Li gor daxuyaniya Walîtiya Meletiyê hejmara avahiyên ku di erdhejê da zirarên mezin dîtine 35 hezar û 907 e, yên ku zirarên normal lêketine jî 2 hezar û 525 in. Li bajêr di salekê de 28 hezar û 921 avahî hatin hilweşandin.

Li gorî daneyên Saziya Îstatîstîkan ya Tirkiyeyê (TUÎK) di sala 2023an de li Meletiyê 5 hezar û 738 kes mirine. (TY/AY)