Li Lîbyayê karesata lehiyê: Herî kêm 3 hezar kes mirin e û 10 hezar jî winda ne

Ji bo nûçeya tirkî bitikîne

Bahoza Danielê ya ku li Tirkiye, Bulgaristan û Yewnanîstanê bû sedema mirinan, li Lîbyayê wêraniyeke mezin pêk aniye. Bandora bahozê li gelek bajarên wekî Derne, Bîngazî, Beyda û Mercê bûye.

Li bajarê Derna kul i rojhilatê wî welatiye hejmara kesên ku ji ber bahoz û lehiyê mirine, ji 3 hezarî derbas kiriye.

Lehiya ku piştî hilweşîna du bendavên kevn li bajarê Derna piştî bahozeke dijwar rû da, çaryeka bajêr bi temamî jinav biriye.

Saziyên tenduristiyê: 10 hezar kes winda ne

Veguhastin li Dernayê bi piranî qut bûye û serkirdeyên herêmî gotine ku rewş "ji kontrolê derketiye û ev karesatek e".

Federasyona Komeleyên Xaça Sor û Heyva Sor a Navneteweyî (IFRC) jî ragihandiye ku hejmara kesên winda bûne 10 hezar û wan ev agahî ji çavkaniyên serbixwe girtine.

Heyva Sor ragihandiye ku li bajarê Bîngaziyê nêzî 250 kes mirine.

Tirkiye jî di nav de gelek welatan alîkarî şandine Lîbyayê.

(NT/AY)