Kooperatîfa Jinan a Şîmelê: Ger jin bi biryar bin dikarin her tiştî bikin

Li Amedê 8 jin hatin gel hevdû û bi navê Şîmelê Kooperatîfeke jinan ava kirin. Jinên ku çend sal berê li xwaringehekê bi hev re dişixûlîn û hevdû nas dikirin, niha jî ji bo vê Kooperatîfê hatin gel hevdû. Di Kooperatîfa de tevahiya xwarinên heyî bi keda van her 8 jinan tên amadekirin û xwarinên herêmî lê tên çêkirin.

Ji Kooperatîfa Jinan a Şîmelê têkildarî kar û xebatên xwe Şîmel Begîk û Kadriye Tûtalê diyar kirin ku li gel hemû zor û zahmetiyên aboriyêyê jî ew hewld didin li ber xwe bidin û bi vê Kooperatîfê karên xwe berfirehtir bikin.

Şîmel Begîkê her wiha bal kişand ser rewşa yekbûna jinan û got: “ Xebatkarên me tev jin in. Me di vê demê de dît ku çiqas zor û zahmetî hebin jî ger jin biryarekê bidin û werin gel hevdû kedeke bi qiymet derînin holê. Ger jin bi rêxistin bin û bi biryar bin dikarin her tiştî bikin.” (WT/FD)