Koçeran berê xwe dane zozanên Mûşê

Fotograf: Sabri Yildirim / AA

Koçerên Amed, Mêrdîn û hin bajarên din, piştî ku hewa germ bû ji bo ajalên xwe bibin zozanan dest bi amadekariyan kirine û ber bi zozana Şênê ya Mûşê bi rê ketine.

Herêma Şênê û çiyayê Qozmeyê yên ku nebatên cur be cur lê hêşîn dibin, hewa û ava wan xweş e ji bo koçeran cihekî bêhempa ye.

Koçerên bi kîlomêtroyan rê tên li vir konên xwe datînin û 5 mehan li vir dimînin.

Dema hewa sar dibe koçer dest bi dagêrê dikin û ji zozanan vedigerin malên xwe.

"Karê me pir zehmet e, lê em mecbur in"

Abdussamed Korkutê ji Qulpê, navçeya Amedê hatiye got her sal piştî hewa germ dibe ew tên zozanê Şênê û zivistanê jî li bajarê xwe ajalên xwedî dikin.

Korkut wiha axivî: "Karê me pir zehmet e, lê em mecbur in. 5 hezar ajalên me hene. Ev 5 roj in em di rê de ne, hê rêya me ya çend rojan maye. Em ê li wir konê xwe vegirin û heta meha mijdarê bimînin."

Hasan Erdenê 2 hezar pezê wî heye ji Mêrdînê hatiye Mûşê. Wî jî got ew rojê du caran pez didoşin û şîrê xwe difroşin. (FD)

Çavkanî: AA