Jin di 25ê Çiriya Paşiyê de daketin kolanan: “Em serî ji vê rewşê re natewînin”

Fotograf: Elif Akgul - bianet

Ji bo nûçeya Tirkî / İngilîzî bitikîne

Jin û LGBTI li Stenbolê 15ê Çiriya Paşiyê, saet 18.00ê Roja Têkoşîna Navnetewî ya li Hemberî Tundiyê ya ser Jinan li Qada Tunelê ya Beyoglûyê  kom bûn û ber bi Odakuleyê meşiyan.

Jin û LGBTIyan di dema meşa xwe de sloganên weke “Jin bi hev re xurt in”, “Em dengê xwe nabirin, natirsin û serî li ber natewînin”, “Bila were bav, were mêr, were dewlet, were cop”, “Heke ku jin/qunek azad bin, wê cîhan bilerize” berz kirin.

Di meşê de jinan her wiha pankartên ku nivîsên “Em serî li ber tundkariya mêr-dewletê natewînin” û “Ez dest ji jiyana xwe jî û têkoşîna xwe jî bernadin” li ser wan bû û alên keskesor hildan.

Digel hewldana astengkirinê jin meşiyan

Ji bo çalakiyê ji saetên nîvro û pê de navçeya Beyoglûyê ji hêla polîs û barîkatan ve hat dorpêçkirin. Polîsan li Qada Tunelê bi barîkatan qefeseke firek avakir. Polîsên jin jî ji bo çalakiyê hatin wezîfedarkirin.

Polîsan pêşiyê gotin ku qaymeqamiyê meş qedexe kiriye û destûra meşê nedan. Jin û LGBTIyan bi çepik, lîrandin, saz û sloganan li bende man ku hevdîtina di navbera jin û LGBTIyan û polîsan de encam bide.

Piştî hevdîtinan meşê dest pê kir. Ji ber ku destûr ji bo meşa ber bi Odakûleyê ve nehat dayin, jin û LGBTI careke din ber bi Qada Tunelê ve meşiyan û paşê çalakî qediya.

“Salek heye ku em bênavber serî hildidin”

Daxuyaniya ji hêla Platforma 25ê Çiriya Paşiyê hatibû amadekirin bi Tirkî, Kurdî û Erebî hat xwendin.

Di daxuyaniyê de wiha hat gotin:

“Ne tenî îro, salek heye ku em bênavber li qadên bajaran serî hildidin. Li hemberî tundkariya mêran a ku jiyana me dorpêç kiriye û tê xwestin ku bê asayîkirin, li hemberî tundkariya dewletê ya di bin rewşa awarte de asta dijminahiya li ser jinê bilind dike, li hemberî her cure faşîzmê em ê di serî netewandinê de û di bêdengmenanê de berdewam bin”. (ÇT/FD)