Ji bo nivîskarê rojavayî Menaf Osman 6 meh biryara ‘çavdêriya îdarî’ hat dayîn

Ji bo nûçeya tirkî bitikîne

Abdulmenaf Osmanê ji Hesekeya Rojavayê piştî 30 sal û 6 mehan di girtîgehê de ma, di 3yê Îlonê de tehliye bû. Osman herî dawî li Girtîgeha Tîpa Tyê ya Akhîsara Manîsayê dihate girtin. Derbarê Osman de 6 meh biryara “çavdêriya îdarî” hatiye dayîn.

Menaf Osman di 28 saliya xwe de hatibû girtin û 58 salî ji girtîgehê derket. Ji ber ku ew ji bajarê Hesekê ye, piştî ji girtîgehê derket, ji bo wî bişînin Navenda Dersînorkirinê ya Manîsayê, birin Qereqola Cendermeyan a Akhîsarê. Her weha di saetên êvara 4ê Ilonê de birine Edîrneyê.

Ew ê 6 mehan li GGMya Edîrneyê bimîne

Parêzerê Osman Halîl Coşkun ji bianetê re axivî û diyar kir ku muwekîlê wî birin Edîrneyê ji aliyê Îdareya Koçberan ya Bajêr ve 6 meh biryara "çavdêriya îdarî" hat dayîn.

Parêzer Coşkûn diyar kir ku ew ê li dijî biryarê dest bi hewldanên qanûnî bikin. Coşkun, anî ziman ku ger biryara heyî neyê betalkirin dê Osman 6 mehan li GGMa Edîrneyê bimîne.

Derbarê Menaf Osmanî de

Di sala 1965an de li Hasekê ji dayik bûye. Xwendina xwe ya seretayi û navîn û lîseyê li wir xwendiye. Pişt re li Zanîngeha Şamê Beşa Jeolojiyê xwendiye. Ji ber xebata xwe ya siyasî di sala 1993yan de hatiye girtin û cezayê mûebedê li birîne.

Pirtûkên wî: Girê Şêran, Şînok, Namûsname, Piling, Şoreşname 1, Silava Bajariyan, Sînor, Lênûska Leyla, Sêbareya Zindanê - 1: Cuhû, Sol.

(NT/AY)