Şaredarê Bajarê Mezin ê Stenbolê Ekrem Îmamoglû di 19ê Adarê de hat desteserkirin û piştre jî biryara girtina wî hat dayîn. Piştî girtinê binpêkirina azadiya derbirînê ya bi sansûra înternetê dest pê kir, didome.
Herî dawî hesabê bianetê yê Xê (bi navê berê Twitter) ku 365 hezar şopînerên wê hene, hat astengkirin.
Derbarê mijarê de bianet nehat agahdarkirin, Komeleya Azadiya Derbirînê (IFÖD) sansur tesbît kir.
IFÖDê ragihand ku di çarçoveya xala 8/A ya Qanûna bi hejmara 5651ê ya Rêziknameya Weşanên li ser Înternetê tên çêkirin bianet hatiye sansûrkirin.
Hûn dikarin li ser Bluesky û Facebookê bianetê bişopînin.
Xê aşkere kiribû ku ji pêvajoya bi desteserkirina Ekrem Îmamoglu dest pê kiriye heta niha li ser daxwaza Tirkiyeyê wan 700 hesab asteng kirine.
(HA/AY)