HDPyê desteserkirinên "Lêpirsîna Kobaniyê" protesto kiriye

Fotograf: MA

Ji bo nûçeya tirkî bitikîne

Li gelek bajaran serdegirtina malan û desteserkirina siyasetmedaran a ji ber lêpirsîna Kobaniyê hatine protestokirin. Serdozgeriya Komarî ya Enqereyê ji ber bûyerên Kobaniyê lêpirsînek dabû destpêkirin.

Amed

Li gorî nûçeya Ajansa Mezopotamyayê. rêxistina Amedê ya Partiya Demokratîk a Gelan (HDP) derbarê biryara desteserkirinan de li ber Bîrdariya Mafên Mirovan a li Parka Koşûyolûyê civîneke çapemeniyê pêk aniye.

Parlamenterên HDPyê yên Amedê Dersim Dag û Îmam Taşçier, tevlî hevserokhen bajêr ên HDPyê û rêveberhen Partiya Herêmên Demokratîk (DBP) beşdarî civînê bûne. Dersim Dag axiviye û gotiye:

"Kesên ku binketina DAIŞê ya li Kobaniyê daxwarine, tola vê ji gelê kurd distînin. Kobanî rewatirîn têkoşîna gelê kurd e û dixwazin vê krîmînalîze bikin. Çawa ku DAIŞ li Kobaniyê têk çû wê AKP jî li Amedê têk biçe. Qesra AKPyê wê wêran bibe. Kesên dixwazin gelê kurd çongê deyne wê ew bi xwe çongê deynin. Gelê kurd wê çongê ji van lîstikan re daneyne. Newroza Amedê ya 2022yê mezintirîn mînaka vê ye."

Mêrdîn

Rêxistina Mêrdînê ya HDPyê li ber avahiya partiyê civîneke çapemeniyê pêk aniye. Hevseroka bajêr Perîhan Agaoglûyê diyar kiriye ku ji ber têkoşîna siyaseta demokratîk a HDPyê, zilmê lê dikin.

Hevserokê din ê HDPya Mêrdînê, Salîh Kûdayî jî gotiye ku çi gava desthilata AKP û MHPyê xitimiye operasyon li dijî HDPyê bûye.

Riha

Rêxistina Rihayê ya HDPyê jî li ber avahiya xwe ya bajêr civîneke çapemeniyê li dar xistiye. Parlamenterên HDPyê yên Rihayê Ayşe Surucu, Omer Ocalan, endamên Meclhisa Dayikên Aştiyên yên Rihayhe û gelek endamên partiyê beşdar bûne.

Omer Ocalanî gotiye ku wan gelek zext û tirs ji ser xwe avêtiye û bi van gotinan dewam kiriye: “Wê ev zîhniyeta çetefer têk biçe û em ê bi ser bikevin. Em rewa ne û divê ji îradeya gel re hurmetê nîşan bidin.”

Mêrsîn

Rêxistina Mêrsînê ya HDPyê li Parka Zarokên Azad civîna çapemeniyê li dar xistiye. Nûnerên partiyên siyasî, sendîka, komele û gelek kes tevî daxuyaniyê bûne û pankarta “Zext nikarin me bêzar bikin” vekirine. Hevseroka HDPya Mêrsînê Bedriye Kûş gotiye ku ew ê li dijî zextan li ber xwe bidin û wê HDP bi ser bikeve.

Îskenderûn

Rêxistina HDPlê ya Navçeya Îskenderûnê jî li avahiya xwe zextên li ser partiya xwe şeremezar kiriye. Hevserokê HDPya Îskenderûnê Abdurrahîm Şahînî axiviye û gotiye kuew ê li dijî her dozên dekûdolabê derkevin û têkoşîna xwe bidomînin. (AÖ/FD)

HDPyê desteserkirinên "Lêpirsîna Kobaniyê" protesto kiriye

Stenbol