Girtiyê ku krîza dil derbas kiribû dîsa birin girtîgehê

Girtiyê nexweş Mehmet Emîn Çamê 72 salî ku li Girtîgeha Tîpa T a Qubîn a Êlihê tê ragirtin, di 24ê Gulanê de dilê wî sekinîbû û piştre birin Nexweşxaneya Herêmê ya Êlihê. 

Li gorî nûçeya Ajansa Mezopotamyayê Çam, duh ji beşa çavdêriya nexweşiyên giran hate derxistin û destûr hate dayîn ku bi parêzerê xwe re hevdîtinê bike. Lê belê destûr nedan ku malbat pê re hevdîtinê bike. 

Hevserokê Şaxa Komeleya Mafên Mirovan (ÎHD) a Sêrtê Mehmet Nûrî Ekîncî da zanîn ku li nexweşxaneyê bi Çam re hevdîtin kiriye û jê re gotiye ku 4 demarên wî xitimî ne. 

Çam, piştî hevdîtina bi parêzerê xwe re dîsa şandin Girtîgeha Tîpa T a Qubînê. 

Li gorî daneyên Komeleya Mafên Mirovan (ÎHD) di sala 2022an de 78, di 5 mehên destpêkê yên sala 2023an de jî 15 girtî mirine.