Fermandarê Pêşmergeyan yê li Mexmûrê birîndar bûbû, canê xwe ji dest daye

Di 22yê Çiriya Pêşiyê de Pêşmergeyên Partiya Demokrat a Kurdistanê (PDK) û Arêşa Iraqê li derdora Mexmûrê şer kiribû . Di dema wî şerî de Fermandarê Lîwaya 18an a Pêşmergeyan Salih Zirarî birûndar bûbû. Zirarî li nexweşxaneyê dihate dermankirin û destê vê sibehê miriye. 

Wezareta Pêşmergeyan ji bo Zirariyî merasîmeke leşkerî li dar xist û Zirarî li nahiyeya Zîraretiyê ya Hewlêrê hate veşartin. 

Di heman pevçûnê de du pêşmergeyên din can dabûn. 

Çi bûbû?

PKKyê di 19ê Çiriya Pêşiyê de daxuyaniyek dabû û gotibû ku ew hêzên xwe yên leşkerî yên li kampa penaberan a Mexmûrê vedikişînin. 

Hêzên HPGyê di dema êrîşên DAIŞê yên li ser Mexmûrê de, li wir bi cih bûbûn. 

Piştî vê daxuyaniyê, di 22yê Çiriya Pêşiyê de, leşkerên Artêşa Iraqê û hêzên Pêşmergeyan ên PDKyê, ji bo wan xalên HPGyiyan vala kirine bi dest bixin, şer kiribû. 

Pevçûn li derdora Çiyayê Qereçoxê bûbû û di encamê de 2 pêşmerge miribûn, 12 pêşmerge û 12 jî leşkerên Artêşa Iraqê birîndar bûbûn. (NT/FD)