Duh 27 hezar û 356 kes bi Covid-19ê ketine, 128 kes mirine

Fotograf: AA

Ji bo nûçeya tirkî / ingilîzî bitikîne

Wezareta Tenduristiyê amarên nû yên derbarê koronavîrûsê ango Covid-19ê de li ser malpera xwe ya fermî weşandiye.

Li gor van amaran di 24 saetên derbasbûyî de test ji bo 278 hezar û 263 kesan hatine kirin û di encamê de testa 27 hezar û 356 kesan pozîtîf derketiye, 128 kes pê mirine û 16 hezar û 363 kes jî baş bûne.

Wezareta Tenduristiyê ji 26ê Kanûna Paşiyê û vir ve tabloya derzîkirinê ya Tirkiyeyê zindî diweşîne. Di tabloya ku hatiye weşandin de bajar bi bajar kesên ku derzî li wan hatiye xistin hene. 

Li gorî daneyên li Tirkiyeyê di 24 saetên dawî de milyon û 296 hezar û 688 doz derzî li mirovan hatine xistin.

Li Tirkiyeyê heta niha 42 milyon û 944 hezar û 623 kesan doza yekem a derziya Covid-19ê, 31 milyon û 186 hezar û 864 kesan doza 2yem, 6 milyon û 179 hezar û 875 kesan doza sêyem, li ser hev 80 milyon û 311 hezar û 362 doz derzî hatine kirin.

Derzîkirin di 13ê Kanûna Paşiyê de destpêkiribû 

Li Tirkiyeyê di 13ê Kanûna Paşiyê ya 2021an de dest bi derzîkirinê kiribûn û cara pêşiyê Fahrettîn Koca, Wezîrê Tenduristiyê derzî li xwe xistibû. Li Tirkiyeyê niha derziyên Sinovac-CoronaVac û Pfizer-BioNTechê tên kirin. 

(KO/AY)