Di sê rojan de 640 Êzidî vegeriyan Şengalê

Di 3 rojên dawî de 640 welatiyên Êzidî yên ku li Kampa Şaryayê ya bajarê Duhoka Herêma Kurdistana Iraqê (HKI) diman, vegeriyan Şengalê.

Wezîrê Koç û Koçberan yê Iraqê Îvan Fayeq di daxuyaniya xwe ya duh de ragihandibû ku 170 welatiyên Êzidî vegeriyane Şengalê. Wezîr Fayeq diyar kir ku ev veger bi hevahengiya hikûmet û hêzên ewlehiyê hatine kirin.

Fayeq di 6ê Çiriya Paşiyê de bi daxuyaniyeke din ragihandibû ku 470 welatiyên Êzidî yên li Kampa Şaryayê vegeriyane Şengalê.

Çi bûbû?

DAIŞê di Hezîrana 2014an de êrîşî bajarê Mûsilê kiribû û ev der dagir kiribû. Paşê jî di 3yê Tebaxê de çûbû ser Şengalê û li vir qetlîameke gelekî mezin kiribû.

Li Şengalê kurdên êzidî dijîn. Di êrîşê de komelkujiya êzidiyan pêk hat. Zêdetirî 6 hezar jin û zarokên êzidî revandin.

Di 13ê Çiriya Pêşiyê ya 2015an de Şengal ji destê DAIŞê hate derxistin. Parlamentoya Herêma Kurdistanê 3yê Tebaxê weke “Roja Komkujiya Êzidiyan” ragihand.

(NT/AY)