Di doza GOÇIZDERê de 4 mafparêz tehliye bûne

Fotograf: MA

Ji bo nûçeya tirkî bitikîne

Dadgehkirina hevserok û endamên Komeleya Çavdêriya li Koçberiyê (GOÇIZDER) li Kampusa Girtîgeha Sîlîvriyê dewam kiriye.

Di dadgehkirinê de danişîna sêyem pêk hatiye ku 17 jê girtî 23 kes tên dadgehkirin.

Heyeta Dadgeha 24an a Cezayê Giran a Stenbolê biryar daye ku Songul Kose û Kamîle Kandal, tevî Veysî Yildiz û Îlyas Erdemê nexweş in, tehliye bibin.

Parêzer derxistine derve

Li gorî nûçeya Ajansa Mezopotamyayê, îro parêzer li dijî astengkirina mafên xwe yên parastinê derketine û heyeta dadgehê ew ji salonê derxistine. Cendermeyan bi darê zorê parêzer derxistine û temaşevanan ev rewş bi çepikan protesto kiriye.

Kamîle Kandal axiviye û ji serokê heyeta dadgehê re gotiye ku midaxeleya li parêzer û parastinan, wan mexdûr dike. Kandalê diyar kiriye ku wê derfet nedîtiye bersiva tohmetên li dijî xwe bide û ew dixwaze tevî parêzeran xwe biparêze.

Kesên din ên ku girtî û negirtî tên dadgehkirin, axivîne û xwestine parêzeran bigirin salonê û bila danişîn dewam bike.

Piştî daxwazan serokê heyetê navberek daye danişînê.

Piştî navberê, serokê heyetê destûr daye ku çapemenî, temaşevan û nûnerên weqif û komeleyan bikevin salonê. Lê nehiştiye parêzer bikeve hundir.

Di dawiya danişînê de heyetê biryar daye ku Songul Kose û Kamîle Kandal tevhi Veysî Yildiz û Îlyas Erdemê nexweş in, tehliye bibin.

Dadgehkirin wê 4-5ê Kanûna Paşiyê li Kampusa Girtîgehê ya Sîlîvriyê dewam bike. (AS/FD)