DFG: Binpêkirina mafên rojnamegeran zêde bûye

Komeleya Rojnamegeran a Dîcle Firatê (DFG) rapora xwe ya binpêkirinên mafên rojnamegeran a meha Tîrmehê eşkere kiriye.

Li gorî, nûçeya Ajansa Mezopotamyayê DFGê di raporê de bal kişandiye ser hilbijartinên 14-28ê Gulanê û diyar kiriye ku zextên li ser rojnamegeran di pêvajoya hilbijartinê de jî berdewam kirine.

Daxuyaniya DFG’ê wiha ye:

“Li Tirkiyeyê di meha Gulanê de 2 hilbijartinên girîng pêk hatin. Her çiqas weke partî û zîhniyet desthilata li welat neguherîbe jî hema bibêje hemû endamên hikumetên hatin guhertin. Lê tenê endamên desthilatê hatin guhertin, polîtîkayên beriya hilbijartinê bi heman rengî tên domandin û heta niha tu guhertinê xwe nedaye der. Weke her carê jî piştî hilbijartinê zextên li ser çapameniyê roj bi roj girantir bûn û rojnameger ketin hedefa endamên desthilatê û daraza di bin kontrola wê de. Ji ber vê yekê jî li Tirkiyeyê ne rojnameger dikarin bi awayekî azad karê xwe bikin û ne jî dikarin fikr û ramanên xwe yên der barê bûyerên ku li welat diqewimin de parve bikin.”

Dixwazin rojnamegeran bitirsîne

“Herî dawî navenda wê Amedê li dijî rojnamegeran careke din operasyonek hate kirin. Di vê operasyonê de polîsan bi hinceta ku li ser hesabên xwe yên medyaya dijîtal nûçeyeke der barê darazê de parve kirine, bi ser malên rojnamegeran de girt û ew binçav kirin. Polîsan dema binçavkirinê destê rojnamegeran kelemçe kir û bi armanca ku rojnamegeran çavtirsandî bike dîmenên vê yekê kişandin û parve kirin. Ji rojnamegeran nûçegihanê Ajansa Mezopotamyayê Firat Can Arslan bi îdiaya ‘peywirdarên cemaweriyê hedef nîşan daye’ hat girtin.”

60 rojnameger girtîne

DFGê destnîşan kiriye ku li gorî daneyên li ber deste wan heta 1ê Tebaxê 60 rojnameger li girtîgehên Tirkiyeyê ji ber karê xwe yê rojnamegeriyê girtî ne.

Daneyên ku di rapora DFGê de hatiye belavkirin weha ne:

* Rojnamegerên bi ser malên wan de hatine girtin: 4

* Rojnamegerên Hatine Desteserkirin: 13

* Rojnamegerên Hatine Girtin: 1

* Rojnamegerên Îşkence û Muameleyên Nebaş li Wan Hatiye Kirin: 18

* Rojnamegerên Gef li Wan hatiye Xwarin û Sîxurtî li Wan Hatiye Ferzkirin: 2

* Rojnamegerên Şopandina Wan a Nûçeyê Hatiye Astengkirin: 12

* Binpêkirinên Mafên Rojnamegeran ên li Girtîgehan: 4

* Rojnamegerên derbarê wan de Lêpirsîn Hatiye Destpêkirin: 3

* Rojnamegerên derbarê wan de Doz Hatiye Vekirin: 6

* Rojnamegerên Hatine Cezakirin: 2 hatin cezakirin û ji bo kesekî jî cezayê îdarî yê pere hate dayîn.

Astengkirin û sansur

* RTÛKê 5 caran cezayê rawestandina bernameyê, 2 caran biryara qedexeya weşanê û 7 jê platformên medyaya dijîtal bi giştî bo 6 dezgehan cezayê pereyê îdarî daye.

* Malperên Înternetê yên Hatine Girtin: 1

* Nûçeyên Xwegihandina Wan Hatiye Qedexekirin: 90

* Naverokên Medyaya Dijîtal ên Xwegihandina Wan Hatiye Astengkirin: 905

Navên Rojnamegerên girtî yên DFGê parve kirine ev in:

* Abdurrahman Gok - Edîtorê Ajansa Mezopotamyayê

* Ahmet Metîn Sekîzkardeş - Rojnameya Zamanê

* Ahmet Uzan - Midûrê Nûçeyan a Rojnameya Sabah Egelî

* Alaattîn Akkaşoglû - Xwediyê Rojnameya Akîsê

* Alî Aşîkar - Rojnameya Azadiya Welat

* Alî Unal - Nivîskarê Rojnameya Zamanê

* Aytekîn Gezîcî - Rojnameger - Nivîskar

* Baran Karadag - Xebatkarê Rojnameya Azadiya Welat

* Cengîz Dogan - Gerînendeyê Giştî yê Rojnameya Mavî ve Kentê

* Çetîn Çîftçî - Nûçegihanê Rojnameya Bugunê yê Parlamentoyê

* Derya Ren - Nûçegihana JINNEWS’ê

* Devrîm Ayik - Xebatkara Kovara Ozgur Halkê

* Dîcle Muftuoglû - Hevseroka Komeleya Rojnamegeran a Dîcle Firatê

* Dîlan Oynaş - Xebatkara Rojnameya Azadiya Welat

* Elîf Ersoy - Berpirsyarê Karên Nivîsan ê Kovara Yuruyuşê

* Ercan Gun - Midûrê Nûçeyan ê Fox TV’yê

* Erdal Susem - Edîtorê Kovara Eylûlê

* Erol Zavar - Xwedî û Midûrê Karên Nivîsan ê Kovara Odakê

* Fatîh Tezcan - Rojnameger

* Ferhat Çîftçî - Nûnerê Rojnameya Azadiya Welat ê Dîlokê

* Firat Can Arslan - Nûçegihanê Ajansa Mezopotamyayê (MA)

* Gultekîn Avci - Nivîskarê Rojnameya Bugunê

* Hamdullah Bayram - Xebatkarê Rojnameya Yenî Yaşamê

* Hasan Taşar - Nûçegihanê TRT’ê yê Enqereyê

* Hatîce Duman - Xwedî û Midûrê Karên Nivîsna ê Rojnameya Atilimê

* Hudaverdi Yildirim - Edîtorê Nûçeyan ê Can Erzincan TV’yê

* Îbrahîm Halîl Ozturkerî - Peywirdarê Avadanî-Weşanê yê TRT’ê yê berê

* Îbrahîm Karakaş - Xebatkarê Rojnameya Yenî Yaşamê

* Îsmaîl Çoban - Midûrê Karên Nivîsan ê Azadiya Welat ê berê

* Kenan Karavîl - Gerînendeyê Giştî yê Weşanê yê Radyo Dunyayê

* Mahmut Gulecan - Midûrê Karên Nivîsan ê Berpirsyar ê Kovara Ozgur Halkê

* Mehmet Baransu - Nivîskarê Rojnameya Tarafê

* Mehmet Şah Oruç - Rojnameger

* Mehmet Gundem - Rojnameger

* Melîh Gasgar - Nûçegihanê Ajansa Nûçeyan a Cîhanê yê Balikesirê

* Merdan Yanardag - Gerînendeyê Giştî yê Weşana TELE1’ê

* Mîktat Algul - Gerînendeyê Giştî yê Weşana Mezîtlî FM’ê

* Mîkaîl Barut - Rojnameger

* Mûrat Çapan - Midûrê Karên Nivîsan ê Berpirsyar ê Kovara Noktayê

* Mûrat Verîm - Rojnameger

* Mûstafa Gok - Nûnerê Dovara Ekmek ve Adalet ê Enqereyê

* Mûstafa Unal - Rojnameya Zamanê

* Nadiye Gurbuz - Edîtora ETHA’yê

* Osman Çalik - Gerînendeyê Giştî yê Weşanê yê Radyoya Samanyolu Haberê

* Ozden Kinik - Xebatkarê TRT’ê 

* Ozlem Seyhan - Rojnameger

* Recaî Morkoç - Edîtorê Buroya Herêma Antalyayê yê Ajansa Nûçeyan a Cîhanê

* Remzî Akkaya - Rojnameger

* Rifat Soylemez - Xwediyê Rojnameya Adana Haberê

* Samî Tunca - Midûrê Karên Nivîsan ê Kovara Mucadele Bîrlîgiyê

* Sedat Yilmaz - Edîtorê Ajansa Mezopotamyayê

* Semîh Elîtaş - Xebatkarê Rojnameya Azadiya Welat

* Serkan Sedat Guray - Produktorê Bernameyê yê Burç FM’ê

* Sertan Onal - Rojnameya Halkin Gunlugu

* Sîbel Mustafaoglû - Xebatkarê Azadiya Welat

* Taner Talaş - Rojnameger

* Turgut Usul -  Nûçegihanê TRT’ê

* Tulay Canpolat -  Nûçegihana Rojnameya Sabahê yê Enqereyê

* Zafer Ozcan -  Edîtorê Aboriyê yê Rojnameya Bugunê

* Ziya Ataman - Nûçegihanê Ajansa Nûçeyan a Dîcleyê (DÎHA)

(AY)