Dezgehên Navneteweyî: Demildest rojnamegeran serbest berdin

Ji bo nûçeya tirkî bitikîne

Di çarçoveya lêpirsîna ku navenda wê Amed e polîsan li 21 bajaran bi ser malan de girtine. Di encama serdegirtinan de 10 jê rojnameger ji 100î zêdetir kes hatine desteserkirin. 18 dezgehên navneteweyî têkildarî desteserkirinan daxuyanî dane.

Di daxuyaniyê de hatiye destnîşankirin ku bûyera desteserkirinan beriya hilbijartinê çêbûye û wiha hatiye gotin, "Em careke din destnîşan dikin ku beriya hilbijartinê divê hawirdoreke çapemeniya azad û piralî hebe."

Di metna bangawaziyê de ku desteserkirinên navborî weke “tacîza sîstematîk” hatiye binavkirin û wiha hatiye gotin: “Divê rayedarên Tirk dawî li zext û tacîzên sistematik yên dijî rêxistinên mafên mirovan, azadiya çapemeniyê, azadiya derbirînê û mafên mirovan, rojnamegerên Kurd, xebatkarên çapemeniyê, saziyên çapemeniyê, siyasetmedarên Kurd û parêzeran bînin.”

'Serdegirtin ji bo hilbijartinê ye'

Di daxuyaniyê de hatiye bibîrxistin ku serdegirtin bi tenê çend roj beriya hilbijartinê hatine kirin û wiha hatiye gotin, "Em bang li rayedaran dikin ku demildest rojnameger, parêzer û aktîvîstên siyasî yên girtî bigihînin parêzeran û hemû detayên sûcên der barê wan de bên eşkerekirin û divê demildest rojnameger bên berdan.”

Rêxistinên îmzeker

Koalîsyona Jinan a di Rojnamegeriyê de (CFWIJ)

Navenda Çavdêriya Mafên Mirovan(HRW)

PENa Ingilîstanê

Navenda Azadiya Medyayê û Çapemeniyê Ewropayê(ECPMF)

Federasyona Rojnamegerên Ewropayê (EFJ)

Federasyona Navneteweyî ya Rojnamegeran (IFJ)

Saziya Çapemeniya Navneteweyî (IPI)

Komeleya Lêkolînên Medya û Hiqûqê (MLSA)

Osservatorio Balcani Caucaso Transeuropa (OBCT)

PENa Amerîkayê

PENa Navneteweyî

PENa Hollandayê

PENa Norwêcê

PENa Quebecê

Platforma Rojnamegeriya Serbixwe (P24)

PENa San Miguel

PENa Skoçyayê

Rêxistina Medyayê ya Başûrê Rojhilatê Ewropayê (SEEMO)

(NT/AY)