“Destpirtûka Rewşa Derûnî, Trawma û Alîkarî Piştî Karesatan” derket

Psychology Kurdî ji bo rewşa derûnî û travmayan û alîkariya piştî karesatan destpirtûkek amade kir. Pirtûk bi navê “Destpirtûka Rewşa Derûnî, Trawma û Alîkarî Piştî Karesatan” hate weşandin.

Hin serenav û mijaran di pirtûkê de hene ev in: “Bertekên derûnî yên piştî karesatan”, “Agahdarkirina civakê derbarê karesatan”, “Perwerdehiya derûnî ya piştî karesatan”, “Stresa trawmatîk û bandora wê”, “Şîna trawmatîk û pêvajoya şînê ya piştî erdhejê”, “Rêbazên serederîkirina stres û rageşiyê”, “Bertekên zarokan yên piştî erdhejê”, “Vegotina erdhejê ji zarokan re”, “Bertekên şînê bi zarokan re û hin pêşniyaz bo malbatan”.

Di vê destpirtûkê de pisporên tendirustiya derûnî xwestiye li ser çend xalên girîng rawestin ku mirov di wan rewşên karesat û bobelatan de hay ji bertek, nîşêt û rêyên xweparastinê hebin da ku hem bo xwe û hem bo derdora xwe bibin alîkar.

Pirtûk di bin banê Kovara Psychology Kurdî de bi edîtoriya Abdulsıttar Özmen û Siyabend Aslan hate amadekirin. 

Psîkiyatrîst Azad Dildar, psîkiyatrîstê zarok û kamilan Veysi Çeri, pispora xizmeta civakî Gülperi Gündüz, derûnnas Rozerîn Yıldırım, psîkoterapîst û trawmatolog Pirşeng Omar Ahmad, derûnnas Siyabend Aslan, derûnnas Samed Doğan, pisporê xizmeta civakî Abdullatif Meşe, derûnnas Hasan Öztürk û derûnnas Hasan Elçeoğlu di amadekirina pirtûkê de cih girtin.

Pirtûk, bi piştgiriya Institut for Transcultural Health Science, BW, Stuttgart û Prof. Dr. Dr. Jan Ilhan Kizilhan ve hate çapkirin.

Ji bo destpirtûkê, bitikîne

(FD)