Dadgehê destûr nedaye Guven û Alokmen bi kurdî parastina xwe bikin

Ji bo nûçeya tirkî / îngilîzî bitikîne

Leyla Guven, Hevseroka Kongreya Civaka Demokratîk (KCD) û Hulya Alokmen, Hevseroka Partiya Demokratîk a Gelan(HDP) ya Amedê li Dadweriya Girtîgeha Elezîzê itiraza cezayên ku ji ber govend û stranên kurdî li wan hatibû birîn, kirine.

Bixwîne-Ji ber strana kurdî ceza li Leyla Guven û 8 girtiyan birîne

Bixwîne-Derbarê Leyla Guvenê û 8 girtiyên jin de lêpirsîna ‘stranên kurdî’ hatiye destpêkirin

Îtîraza ku li dijî biryara cezakirinê ya îdareya girtîgehê hatiye kirin, duh bi danişînê hatiye lêkolînkirin. 

Li gorî nûçeya nûçeya Ajansa Mezopotamyayê, Guven û Alokmen beşdarî rûniştina lêkolînê bûne û xwestine prastina xwe bi kurdî bikin. Lê belê dadger bi şertê ku heqê wergerê ji aliyê hevserokan ve were dayîn û bi tirkî dizanin daxwaza wan ya parastina bi kurdî qebûl nekiriye. Herdu siyasetmedaran jî wergera bi heq qebûl nekirin. 

 Dadger qebûl kiriye ku Guven û Alokmena ku berdêla wergêr red kirine , ''mafê xwe yê bêdengmayinê bi kar anîne'' û ev tişt tomar kiriye.Parêzerê Guven û Alokmen, Serdar Çelebî destnîşan kiriye ku wergêrê li danişînê hatibû amadekirin jî destûr nehat dayîn ku wergerê bike. 

Çi bûbû?

Li Girtîgeha Elezîzê derbarê Leyla Guvenê û 8 girtiyên jin de lêpirsîna ‘stranên kurdî’ hatibû destpêkirin. Di metna lêpirsînê de hatibû gotin ku “bi zimanek nayê famkirin govend girtine” û “bi zimanekî nayê famkirin sirûd xwendine”

Rêveberiya girtîgehê Hevseroka Kongreya Civaka Demokratîk (KCD) Leyla Guven, Hevseroka Rêxistina HDPê ya Amedê Hulya Alokmen Uyanik û Cîgira Seroka Giştî ya Partiya Bindestan a Sosyalîst (ESP) Fethiye Ok Çîçek jî di nav de derbarê 9 jinên girtî lêpirsîna dîsîplînê dabû destpêkirin.

(KO/AY)